Teacha 7:14 - Hawaii Pidgin Bible

¹⁴ So wen eryting go good, stay good inside. But wen eryting go bad, figga lidis: God make good tings an bad tings happen. Az why no mo nobody can figga wat goin happen bumbye.

Teacha 7:14 ပူးပေါင်းရင်းမြစ်များ

1 Kings 8:47

But den, yoa peopo goin turn aroun An start fo tink strait, Ova dea inside da land Wea dey stay prisonas. Dey goin change dea mind An beg you fo give um chance, Ova dea inside da land Fo da peopo dat make um prisonas. Dey goin tell you, ‘Us guys wen do bad kine tings An do wrong. Us get da blame fo da bad tings we do!’

Job 2:10

He tell her, “You talk jalike one stupid wahine! You tink us goin get ony good kine stuff from God, an no mo bad tings too, o wat?!” Wen all dis stay happen, Job no tell notting bad.

Songs 119:71

Good fo me, dat you wen punish me, Fo me learn how good Da tings you tell I gotta do.

Songs 40:3

He wen put inside my mout One song I neva sing befo, One song dat tell How awesome oua God stay. Goin get plenny peopo Dat goin see wat he wen do. Dey goin come all sked cuz a dat, An den, dey goin trus Da One In Charge!

Teacha 10:14

An da stupid guy talk plenny. No mo nobody know wat goin happen. Nobody can tell wat goin happen afta dat.

Teacha 11:9

You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.

Teacha 12:13

Now dat you wen hear eryting, Dis da mos importan ting: Get choke respeck fo God, an do wat He tell you fo do, Cuz az da kuleana fo erybody.

Teacha 12:8

Da Teacha tell, “No make sense! No mo notting make sense!”

Teacha 3:22

“Az why no mo notting mo betta, den fo peopo do dea work an stay good inside, cuz az why dey stay hea. No mo nobody can make dem see wat goin happen to dem bumbye!”

Teacha 3:4

One time fo cry An one time fo laugh, One time fo stay sad inside An one time fo dance.

Teacha 5:17

All dea life, dey stay in da dark. Dey stay futless, dey get hard time, an dey stay huhu.

Teacha 8:7

Nobody know wat goin happen bumbye. Az why no mo nobody can tell anodda guy wass goin happen.

Teacha 9:7

So eat yoa food an stay good inside. Drink yoa wine wit one good heart. Cuz God awready stay good inside bout wat you do.

Isaiah 26:11

Da One In Charge, dat kine peopo no can see notting! Dey donno dat you stay put up yoa hand awready Fo use yoa powa fo punish dem! I like dey come shame wen dey look An see dat you stay go all out fo yoa peopo, An jalike you make da fire burn up an kill Da peopo dat stay agains you.

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Jeremiah 23:20

Wen Da One In Charge come huhu, He goin stay huhu Till he pau do eryting he plan fo do from befo time. You guys goin undastan all dis, Bumbye wen da right time come.”

Sad Song 3:38

Get bad kine tings an good kine tings dat happen, Cuz da God Dass Mo Importan Den All Da Odda Gods, tell wat goin happen.

Micah 6:9

Lissen up! Da One In Charge stay call To da peopo inside da big town Jerusalem. Wen peopo stay sked a God an show respeck, Cuz dey know wat kine god him, Dat show dat dose peopo know wat fo do erytime. “Lissen up good, you Judah ohana peopo, An da ones dat come togedda inside Jerusalem: Da army guys dat goin wipe out yoa town, Dey stay come awready!

Matthew 9:13

Go figga wat Hosea, da guy dat talk fo God, wen tell befo time, ‘I like my peopo give chance to each odda. Dat mo betta den jus make one sacrifice inside da temple.’ Dass wat God tell. But me, I neva come fo tell da guys dat erytime do wat God tell um fo do, fo come my guys, but I wen come fo da peopo dat get one bad rep.”

Jesus Guys 14:22

Dey give good kine words to da peopo dat stay tight wit Jesus fo help um stick wit da Good Stuff Bout Jesus fo dem trus Jesus. Dey tell, “Us guys gotta suffa plenny befo us guys see God come oua king.”

Rules Secon Time 26:11

Den you, an da Levi ohana guys, an da peopo from anodda place dat stay live wit you guys, you all goin stay good inside cuz a all da good kine stuff yoa God, Da One In Charge, stay give you guys an yoa ohana.

Rules Secon Time 28:47

All dat goin happen cuz you guys no stay real good inside wen you work fo yoa God, Da One In Charge, an even wen eryting was plenny good fo you guys.

Rules Secon Time 8:3

He make shua you guys no get big head, an let you guys come hungry, an den he feed you guys manna fo eat. You guys an oua ancesta guys neva know wat manna was from befo time. Az how he wen make you guys know dis: dat peopo no can live ony wit food. Gotta lissen eryting Da One In Charge tell too!

Rules Secon Time 8:5

You guys gotta know, wen you like tell yoa boy fo no do da tings he do wrong fo teach um, az how oua God, Da One In Charge, stay tell you guys too fo teach you.

James 5:13

Anybody ova dea by you guys get trouble? Good dey pray! Anybody feel good inside? Good dey sing to God!