Teacha 7:13 - Hawaii Pidgin Bible

¹³ Tink bout wat God wen do: No can make strait Wat God wen make kapakahi!

Teacha 7:13 ပူးပေါင်းရင်းမြစ်များ

Job 11:10

“If God come by you an throw you in prison, If he make one court an put you in front da judge, Who goin make him change his mind, aah?

Job 12:14

Fo shua, wateva he bus up, nobody can build um one mo time. If he put somebody inside da prison, nobody can let dem go.

Job 34:29

But if God stay quiet, nobody goin poin finga him. If he hide his face, nobody can find him. Still yet, he stay in charge a da peopo an da nations same same.

Job 37:14

“Eh Job, lissen up, aah?! Stop an tink bout da awesome tings God do Dass hard fo undastan.

Job 9:12

If he grab someting, nobody can stop him, you know. No mo nobody goin aks him, ‘Eh! Wat you stay do, aah?!’

Songs 107:43

Da peopo dat know wat fo do erytime Good dey stay do all dis stuff, An tink plenny bout how God stay tight wit his peopo!

Songs 8:3

Yoa sky, weneva I tink bout um An see da tings up dea dat you wen make wit yoa hands, Da moon an da stars dat you wen put dea,

Teacha 1:15

Get tings dat stay kapakahi, An no mo nobody can make um come strait. An tings dat no moa, No can count dem too!

Teacha 3:11

He make eryting happen jalike suppose to happen, fo da time wen suppose to happen. He make peopo tink bout wat maybe goin happen bumbye, but dey no can undastan eryting dat God stay do from da start till da end.

Teacha 8:17

Den I see eryting dat God do. No mo nobody can undastan eryting dat happen unda da sun. No matta peopo try hard fo undastan wat happen, no can. No matta one guy dat know wat fo do erytime tell dat he undastan um, he no can undastan um fo real kine.

Isaiah 14:27

Cuz me, Da One In Charge, Da God Ova All Da Armies, I awready make dis plan. Who goin stop me? I stay ready fo use my powa. Who goin make me turn aroun an go home?

Isaiah 43:13

“An from long time befo time, I God. Wen I use my powa, No mo nobody can make me stop. Wen I do someting, No mo nobody can change um An make um jalike was befo time.”

Isaiah 5:12

Dey make big party, Dey get plenny small harp an bass harp, Tammorine, flute, an wine dea. But dey no tink notting bout Da One In Charge, An da tings he do. Wen he show da tings he make wit his hands, Dey no see notting.

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

Luke 12:26

If you no can do dat, how come you worry bout da odda stuffs?

Rome 9:15

Dis cuz God wen tell Moses dis: “I goin give chance to da ones I give chance to, An I goin show pity fo da ones I get pity fo.”

Rome 9:19

So den, somebody goin aks me dis: “Eh! If dass how stay, how come God still yet poin finga peopo? Cuz no mo nobody can go agains wat God like fo happen, you know.”

Efesus 1:11

An cuz us guys stay tight wit Christ, an God wen pick us from befo time fo come his kids, he stay give us all da tings he wen promise fo give us. He make eryting jalike he wen figga befo time. God, he da One dat can make eryting happen how he like happen.