Teacha 7:12 - Hawaii Pidgin Bible

¹² Wen you know wat fo do erytime, Az jalike one roof ova yoa head. An money, az jalike one roof ova yoa head too. But fo know plenny stuff stay mo betta, Cuz da guy dat know wat fo do erytime, Dat goin make him stay alive long time.

Teacha 7:12 ပူးပေါင်းရင်းမြစ်များ

Job 1:10

You da one wen put jalike one fence all aroun him an his ohana, an aroun eryting he get. You stay make eryting he do come good, fo his sheeps an cows go all ova da land.

Songs 57:1

Eh God! Do good tings fo me! Do good tings! Cuz wen I aks you fo take kea a me, Den, nobody can hurt me. I like you take kea me, Jalike da muddah bird Put da bebe birds unda her wing Fo nobody hurt dem. I goin stay by you fo nobody hurt me, Till all dis stuff pau, Dat can wipe me out Jalike one storm.

Smart Guys 11:4

Wen God ready fo wipe out eryting Cuz he no can stan wat peopo stay do, All da money you get, no goin help you! Wen you stay do da right ting erytime, Dat goin get you outa trouble wit wateva can make you mahke.

Smart Guys 14:20

Da peopo dat no mo notting, Even da peopo dat live nea dem no like talk to dem. Da peopo dat get plenny stuff, Dey get plenny frenz.

Smart Guys 2:11

Notting bad goin happen to you Cuz you goin know how fo make one good plan, Cuz you undastan stuff real good.

Smart Guys 2:7

Wen peopo stay do da right ting, God make um fo dem figga how fo get outa trouble, An dass how he take kea dem. Da peopo dat erytime do stuff da right way, He no let notting hurt dem. He jalike one shield An notting can go thru him.

Smart Guys 3:18

Wen you go all out fo know wat fo do erytime, Az jalike one tree dat get fruits Dat can make you live long time. An wen you try hard fo learn wat fo do an hang in dea, Good tings goin happen to you.

Smart Guys 8:35

Cuz whoeva find me, Dey find da real kine life, An Da One In Charge like do good tings fo dem.

Smart Guys 9:11

Cuz if you stay tight wit Da Lady Dat Know Wat Fo Do Erytime, You goin live mo long. Eh! You goin get plenny mo year.

Teacha 10:19

Peopo cook food fo dem laugh, An wine make peopo stay good inside, da way dey live. An money take kea eryting!

Teacha 2:13

Dis wat I wen see: Az mo betta know wat fo do erytime, Den stay stupid. Jalike mo betta light den dark.

Teacha 7:19

One guy dat know wat fo do erytime Get mo powa den ten a da leada guys inside his town.

Teacha 9:16

Az why I tell, “Mo betta know wat fo do, den get one big army.” But da peopo dea no show respeck fo da guy dat no mo notting, no matta he know wat fo do erytime. No mo nobody lissen now wat da guy tell.

Teacha 9:18

Mo betta know wat fo do erytime, Den get plenny stuff fo use fo make war, But one guy dat mess up one time Can wipe out plenny good kine stuff.

Isaiah 30:2

Befo dey go Egypt side, Dey neva aks me firs bout dat. Dey aks da Pharaoh guy fo help dem An let dem stay wit him So notting goin hurt dem.

Isaiah 32:2

Da king goin be da kine guy Dat goin be jalike one place Fo da peopo hide From da strong wind o da rain, So no can wack um. He goin help da peopo fo res, Jalike one watta ditch inside one dry place, An jalike one big rock Dat make one big shadow In da place wea no mo watta.

Isaiah 33:6

All da time you stay alive, Da One In Charge goin be jalike one solid foundation fo you. He goin do plenny good tings fo you— Get you outa trouble, Help you know wat fo do erytime, Help you know how fo do stuff. Wen you Jerusalem peopo get respeck Fo Da One In Charge fo real kine, Goin be jalike az rich kine stuff he give you.

John 12:50

I know fo shua dat wat da Faddah tell us fo do show erybody how dey can come alive foeva fo real kine. Az why eryting I tell, dass jalike wat my Faddah wen tell me fo tell.”

John 17:3

Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Sen.

Rules Secon Time 32:47

Dis, az not stuff dat no mean notting fo you. Dis, az yoa life! If you lissen dis stuff I tell you, you guys goin live long time inside da land da odda side a da Jordan Riva dat you goin take ova.”

Philippi 3:8

But you know wat? I tink eryting ony wase time. Cuz now, I know fo real kine Da One In Charge a me, Jesus Christ! An dass mo betta! I wen lose eryting cuz I his guy, you know. An I figga, all dat kine stuff I jus wen talk bout, ony bullshit! Cuz I like come real tight wit Christ.

Local Leadas 9:15

“Da thorn plant tell da trees, ‘If az true, dat you guys like pick me fo come da king fo you guys, come unda my shade fo me proteck you. But if you no like, den I like da fire come outa dis thorn plant, an burn up da big cedar trees inside Lebanon!’ ”