Teacha 5:4 - Hawaii Pidgin Bible

⁴ Wen you make one strong promise to God, no wait long time fo do wat you wen promise fo do. Da tings stupid peopo do, no make God stay good inside. Az why, go do eryting you wen promise fo do.

Teacha 5:4 ပူးပေါင်းရင်းမြစ်များ

Start 28:20

Den Jacob make one strong promise. He tell, “God, if you stay wit me, an take kea me dis trip I stay make, an give me food fo eat an clotheses fo wear,

Start 35:1

Bumbye, God tell Jacob, “Go move house Bethel side. Live ova dea. Make one altar dea fo pray to me. I da same God dat wen show up inside one dream, da time you wen run away from yoa braddah Esau.”

Start 35:3

We goin go Bethel side now. I goin make one altar ova dea fo God. He da God dat lissen me, dat time I presha out. Ery place I stay go, dat God stay wit me.”

Songs 116:14

In front a all God peopo, I goin do eryting I wen promise Da One In Charge fo do!

Songs 119:106

I make one strong promise awready, An now I tell dis one mo time, Dat I goin do Wat I wen promise fo do. I goin do da tings dat you tell Stay right, cuz you da judge.

Songs 22:25

Eh God! You da One I like tell erybody bout! Wen choke plenny peopo come togedda, I goin tell good tings bout you. I goin make all da sacrifices I wen promise fo make An I goin do um in front da peopo Dat feel jalike dey sked wen dey wit you.

Songs 50:14

You know wat da real kine sacrifice You suppose to make Fo me, yoa God? You gotta tell me ‘Mahalo!’ Fo wat I do, An wateva promise you wen make to me, Do um. Dass da real kine sacrifice.

Songs 76:11

Do da tings fo yoa God, Da One In Charge, Dat you guys wen make One promise to him fo do. All da nations dat stay aroun Jerusalem, Bring presents fo da One Dey gotta respeck.

Smart Guys 20:25

If you tell, “I like give dis ting to God Fo stay spesho fo him,” But you no tink wen you tell dat, An layta, you not shua you like give um, Dat promise goin be jalike one trap Fo bring you down!

Isaiah 19:21

Da One In Charge goin let da Egypt peopo know who him. Wen dat happen, dey goin come tight wit him. Dey goin pray to him an bring animal sacrifices an wheat an barley sacrifices to him. Dey goin make strong promises to him, an dey goin do wat dey wen promise fo do.

Jonah 2:9

But me, I like make one sacrifice fo you bumbye, An sing an tell you dat you da greates! Da ting I wen promise you dat I goin do, I goin do um! Cuz you Da One In Charge, An you da One wen get me outa trouble!”

Malakai 1:10

Mo betta one a you guys shut da doors fo da sacrifice place. Den you no can go inside fo make da fire on top da altar an make one sacrifice fo me dat ony wase time. All da stuff you guys do, dat no make me feel good inside notting. Dass me dat tell dis, Da One In Charge, Da God Ova All Da Armies. No way I goin take da gifs you guys bring!

Census 30:2

Wen one guy make one strong promise to Da One In Charge, o make one strong promise fo no do someting, fo erybody know dat he goin do um o no goin do um, he betta not broke wat he wen promise! He gotta do eryting he tell he goin do.

Matthew 5:33

“An you guys hear wat God tell da peopo from befo time. He tell, ‘No promise fo do someting an den no do um. Cuz you wen promise um in front Da One In Charge. Az why you betta do um!’

Local Leadas 11:35

Wen he spock her, he rip his clotheses. He yell, “Bummahs! My girl! You wen bring me down, an jam up my life! Cuz I wen make one strong promise to Da One In Charge, dat I no can broke!”