Teacha 4:7 - Hawaii Pidgin Bible

⁷ One mo time I see someting unda da sun dat no make sense.

Teacha 4:7 ပူးပေါင်းရင်းမြစ်များ

Songs 78:33

Dass why God make eryting dey do, All da time dey live, come poho. He make da peopo come real sked, Fo dem mahke.

Teacha 4:1

I look one mo time, an I see all da presha dat some peopo put on top odda peopo unda da sun. I see peopo cry, da ones get presha on top dem. No mo nobody fo help dem come so notting bodda dem. Da guys dat put presha on top dem get plenny powa. No mo nobody fo help dem come so notting bodda dem.

Teacha 4:6

Mo betta get ony one hand full a stuff, an can res, Den get two hand full a stuff, But da kine work you gotta do fo get um, You ony stay chase da wind.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”