Teacha 3:6 - Hawaii Pidgin Bible

⁶ One time fo look fo someting An one time fo give up look fo someting. One time fo keep An one time fo throw way.

Teacha 3:6 ပူးပေါင်းရင်းမြစ်များ

Start 31:18

He get togedda all his sheeps, goats, cows, an odda stuffs dat he get Paddan-Aram side, fo go by his faddah Isaac, Canaan land side.

2 Kings 5:26

Elisha tell, “Wen da guy turn aroun an come down outa his war wagon fo meet you, inside me I know wassup awready, jalike I wen go wit you ova dea! Dis not da right time fo take silva, o clotheses, olive trees, grape farms, sheeps an goats, cows, o guys an wahines fo work fo you!

2 Kings 7:15

Dey go afta da Aram army guys all da way by da Jordan Riva. Dey see dat all ova da road, get da Aram guys clotheses an stuffs all ova da place dat da Aram guys wen throw way wen dey come sked an run away! So da messenja guys come back an tell da king.

2 Kings 8:9

Hazael go meet Elisha, an take all da bestes kine stuff inside Damascus fo one present, wit forty camel fo carry da load. Hazael go by Elisha an stan in front him, an tell, “Ben-Hadad, da Aram king, he tink bout you jalike you his faddah. He wen sen me fo aks you, ‘I goin stay alive afta dis sick, o wat?’ ”

Songs 112:9

Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Teacha 11:1

Peopo tell, “Ship yoa wheat ova da ocean, Cuz afta long time, fo shua you goin get someting back fo dat.”

Teacha 3:5

One time fo scatta stones An one time fo bring um in. One time fo hug An one time fo no hug.

Teacha 3:7

One time fo broke someting An one time fo sew um togedda. One time fo no talk An one time fo talk.

Isaiah 2:20

Dat time, da idol kine gods Dat da peopo wen make from silva an gold Fo go down an show um respeck, Dey goin throw um all away To da bats an da rats.

Jonah 1:5

Da saila guys, dey plenny sked. All dem yell fo help to dea gods. Dey throw out da stuffs from da boat fo make um not so heavy, an mo easy fo handle. All dat time, Jonah stay down inside da bottom part a da boat. He lay down inside dea fo sleep an pass out.

Matthew 19:29

Whoeva give up his houses, his braddahs, his sistahs, his faddah an muddah, his kids, his land, cuz he know who me, bumbye dey goin get hundred times mo plenny, plus, dey goin live to da max foeva.

Jesus Guys 27:19

Day numba three, da guys even throw da stuff fo make da boat work inside da ocean.

Jesus Guys 27:38

Wen dey eat all da stuff dey like, dey throw da wheat inside da ocean an make da boat mo light.