Teacha 3:14 - Hawaii Pidgin Bible

¹⁴ I know fo shua eryting God do goin stay foeva. No mo nobody can add notting to um, an no mo nobody can take notting away from um. God do dis fo peopo show respeck fo him.

Teacha 3:14 ပူးပေါင်းရင်းမြစ်များ

2 Samuel 22:31

“God, he perfeck Da way he do tings. Eryting dat Da One In Charge promise fo do, You can trus he goin do um. Fo all da peopo dat trus Da One In Charge fo take kea dem, He jalike one shield dat no let um get hurt.

Songs 33:11

Eryting Da One In Charge make one plan fo do, Dass how goin stay foeva. Wen he tink wat fo do, Dass how goin be foeva.

Songs 64:9

All da peopo goin come sked. Dey all goin talk bout da tings Dat God stay make happen, Dey goin undastan wat God wen do.

Songs 76:10

Wen peopo come real huhu, Dat show proof dat you da bestes. An if dey stay had it wit you still yet, Dat make you look good.

Smart Guys 19:21

You can make plenny plan inside yoa head. But da plan dat Da One In Charge make fo you, Dass wass goin happen fo shua.

Smart Guys 21:30

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Smart Guys 30:6

No go tell, God tell someting An he neva tell dat. If you do dat, God goin show dat you stay wrong, An peopo goin find out, you one bulaia.

Teacha 12:13

Now dat you wen hear eryting, Dis da mos importan ting: Get choke respeck fo God, an do wat He tell you fo do, Cuz az da kuleana fo erybody.

Teacha 5:6

No let yoa mout make you do bad kine stuff. An no tell da Temple messenja guy, “Was one mistake, I wen make dat strong promise!” No good, God come huhu cuz a wat you tell! An no good, he wipe out da tings you wen make wit yoa hands!

Teacha 5:7

Wen you dream plenny an talk plenny, all dat no make sense. Mo betta get plenny respeck fo God!

Teacha 7:18

Mo betta you hang in dea an do da right ting, An no do wass wrong. Da guy dat stay sked a God, He no goin try go too far.

Isaiah 46:10

From da start, I da One stay tell How da end goin come. From long time befo time, I tell tings Dat nobody do yet. I da One tell dis: “Da plan I make, Az how goin happen. I goin do eryting how I like fo do um.”

Daniel 8:8

Da goat come mo strong still yet. But wen he come mo strong, somebody broke off da big horn. Den on top dat place, four horns grow up to da four winds inside da sky.

Jesus Guys 2:23

God plan dis long time befo time, cuz he know dey goin give Jesus ova to you guys. An you guys wen take him an let da bad kine guys kill um on top one cross.

Jesus Guys 4:28

Dey do wat you know from long time befo gotta happen. An you let dem do dat.

Jesus Guys 5:39

But if da ting come from God, you no can stop um. You ony stay beefing God.”

Rome 11:36

Eh, eryting come from God! Eryting happen cuz God make um happen! Eryting us guys do, We do um fo him! Erytime us like tell, He da greates, An he stay da greates foeva! Dass fo shua!

Efesus 3:11

God, he make dat plan from befo time fo do all dat stuff. An Jesus Christ, Da One In Charge a us guys, he da One dat wen do um.

Rules Secon Time 32:4

God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

Titus 1:2

Us guys can trus God. An we can know da trut. Az cuz we know fo shua dat bumbye God goin give us da real kine life dat goin stay to da max foeva! Az why us can wait lidat. God, from da time he wen make da world, he wen promise dat kine life. An he no bulai, you know.

James 1:17

Erytime somebody give you someting nice an spesho, all dat come from yoa Faddah up dea inside da sky. He wen make all da lights inside da sky—da sun, an moon, an stars. But God no change jalike da tings inside da sky change.

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”