Teacha 3:13 - Hawaii Pidgin Bible

¹³ Wen erybody eat an drink an stay good inside bout dea work, az one present from God.

Teacha 3:13 ပူးပေါင်းရင်းမြစ်များ

Songs 128:2

Den, from da work you do Wit yoa hands, You goin get plenny fo eat. You goin stay good inside, An tings goin go good fo you too.

Songs 34:12

If you like live fo real kine, An like fo good tings happen to you Fo long time,

Teacha 2:24

So den, da bestes ting fo do, go eat, go drink, an stay good inside bout hard work! No mo notting mo betta. I see dass jalike one present from God too.

Teacha 2:3

I wen try fo feel good from suck um up da wine. I try find out wass goin happen if I do stupid kine stuff. (But same time, I make shua my head show me erytime wass da bestes ting fo do.) I like fo find out wass good fo da peopo do, cuz ony short time dey live hea unda da sky.

Teacha 6:2

God give peopo rich kine stuff, odda stuff, an one good name. Dass how dey get eryting dey like. But maybe God no let um feel good bout da stuff dey get. Den goin get one guy from anodda place goin get um. An dass da guy goin stay good inside bout da odda guy stuffs. But all dat no make sense! Make you sick fo tink bout um.

Teacha 8:15

But me, I figga, az good fo erybody feel good inside. Cuz no mo notting mo betta den one guy unda da sun eat, drink, an stay good inside. No matta he work all da days God give um fo stay alive unda da sun, he goin stay good inside.

Teacha 9:7

So eat yoa food an stay good inside. Drink yoa wine wit one good heart. Cuz God awready stay good inside bout wat you do.

Rules Secon Time 12:7

Ova dea, da place God Da One In Charge stay, you guys an yoa ohana peopo goin eat da sacrifice food, an stay good inside cuz a eryting you guys start fo do, cuz God, Da One In Charge, stay do plenny good tings fo you guys.

Rules Secon Time 26:11

Den you, an da Levi ohana guys, an da peopo from anodda place dat stay live wit you guys, you all goin stay good inside cuz a all da good kine stuff yoa God, Da One In Charge, stay give you guys an yoa ohana.