Teacha 2:8 - Hawaii Pidgin Bible

⁸ I pile up plenny silva an gold stuffs fo me, an I get da rich kine stuffs from odda kings an odda districks. I get guys an wahines fo sing, an plenny wahines fo come my odda wifes—enuff fo make one guy feel real good inside.

Teacha 2:8 ပူးပေါင်းရင်းမြစ်များ

2 Samuel 19:35

I eighty year ol now, you know. I no can tell if someting stay good o bad. I no can taste wat I eat o drink. I no can hear da voices from da guys an wahines wen dey sing. How come I goin make mo work fo you, my boss da king, aah?

1 Kings 10:10

Da Queen fo da Sheba peopo wen give King Solomon 9,000 poun gold, an plenny spice, an jewelry stones dat cost real plenny. She give King Solomon mo plenny spice den eva come dea befo dat time an afta dat time.

1 Kings 10:14

Ery year, Solomon get 25 ton gold from da big boats.

1 Kings 10:21

All da tings King Solomon use fo drink, all gold. All da tings dey use fo eat an drink inside da Lebanon Fores House, all pure gold. Dey no use silva, cuz King Solomon time, dey figga da silva kine stuff not spesho.

1 Kings 11:3

He get 700 wifes come from king kine ohanas, an 300 odda kine wifes. An da wifes wen start fo make Solomon head come hamajang an he follow dea gods.

1 Kings 14:27

So King Rehoboam tell his guys fo go make shields outa bronze metal, fo put um wea da gold shields stay befo time. He make da officer guys, da ones dat guard da door fo da king palace, take kea da bronze shields.

1 Kings 9:14

Befo dat, Hiram wen sen four an a half ton gold to King Solomon too.

1 Kings 9:28

Dey wen ride boat Ofir side, an from dea dey bring back sixteen ton gold fo King Solomon.

1 Records 25:1

David an da main leadas fo da work fo all da Levi guys, pick some a Asaf boys, Heman boys, an Jedutun boys. Dea kuleana, fo give da messages from God an use da bass harp, da small harp, an da cymbals fo do dat. Dis da names fo da guys an wat dey do:

1 Records 25:6

All dese guys get dea faddahs in charge a dem, fo sing inside da Temple Fo Da One In Charge, wit cymbals, bass harp, an small harp. Az was dea kuleana from da king fo da Temple Fo God. Da king stay in charge a Asaf, Jedutun, an Heman.

2 Records 9:11

King Solomon use da sandalwood fo make steps fo da Temple Fo Da One In Charge an fo his palace, an fo make small harps an twelve-string harps fo da music guys. Nobody eva see dat kine stuff befo inside Judah.)

Ezra 2:65

Had 7,337 worka guys an wahines, an 200 guys dat sing an wahines too.

Teacha 1:2

Da Teacha tell, “No make sense! No make sense! Fo shua eryting no make sense! No mo notting make sense!

Daniel 3:15

Now, wen you guys hear da soun from da music one mo time, if you guys stay ready fo go down an show respeck fo da statue dat I wen put up, az good. But if you guys no go down in front um, my guys goin throw you guys inside da real hot fire inside da big oven. Den wat kine god goin help you guys get outa my powa, aah?! No way!”

Daniel 3:5

Wen you guys hear da soun from da trumpet, da flute, da bass harp, da small harp, da local kine harp, wen dey play all da instrument togedda, right den an dea you guys gotta go down on top da groun fo show respeck fo da gold statue dat King Nebukadnezzar wen put up.

Daniel 3:7

Wen da time come, all da diffren peopos from ery country an ery language hear all da kine music. Dey all go down on top da groun an show respeck fo da gold statue dat King Nebukadnezzar wen put up.

Amos 6:5

You guys pick up da harp fo jam An make new kine songs— An you tink, ‘I can make da music Same same jalike King David!’