Teacha 2:26 - Hawaii Pidgin Bible

²⁶ If somebody do stuff dat make God stay good inside, God goin make dem know wat fo do erytime, know plenny, an stay good inside. But fo da guy dat do bad kine stuff, God give um da job fo ony stack up plenny stuffs, fo dem give um to some odda guy dat make God stay good inside. Dis no make sense too. Dey ony stay chase da wind.

Teacha 2:26 ပူးပေါင်းရင်းမြစ်များ

Start 7:1

Den Da One In Charge tell Noah, “Time awready! Go inside da boat, you an all yoa ohana. Cuz from all da peopo dat stay alive, you da ony guy I see dat do da right ting erytime.

Job 32:8

But fo shua, Da spirit inside peopo dat make um undastan stuff, Dass wat importan. Dass wat Da God Dat Get All Da Powa breave inside um, An dass wat help peopo fo undastan stuff.

Job 38:36

Who make somebody come fo dem know inside wat fo do erytime? Who make dea head undastan stuff?

Songs 39:6

“Peopo jalike one shadow Stay walking aroun. Dey run aroun plenny, But ony wase time, Jalike da wind dat come an go. Dey pile up plenny stuffs, But dey donno who goin get da stuffs Afta dey mahke.”

Songs 51:6

Fo shua you feel good wen I tell da trut, Even bout da secret kine tings Dat nobody but me know. So help me know fo real kine Wat I gotta do Bout da stuff I stay hide.

Smart Guys 13:22

Da good kine peopo, dey save till dey mahke Fo da kids an da grankids get plenny from dem. Da peopo dat do bad kine stuff, dey save plenny stuff, But da whole ting go to da peopo dat do da right ting.

Smart Guys 2:6

Cuz Da One In Charge, he da One Dat teach peopo wat fo do. Da stuff he tell, Dass wat goin make you know stuff An undastan stuff.

Smart Guys 28:8

If you lend peopo money, But charge um big time interes Fo you come rich fas, Az jalike you collecking money Fo some odda guy Dat goin use um Fo kokua da peopo dat no mo notting Jus cuz he like kokua dem.

Teacha 1:13

I make up my mind fo study, an fo try see if da stuff work dat da peopo dat know wat fo do erytime tell. I do dis cuz I like figga out eryting peopo do unda da sky. God give erybody one real hard job fo do, az why!

Teacha 1:14

I wen see eryting da peopo do unda da sun. An you know wat?! Eryting hard fo undastan! Jalike erybody stay try catch da wind!

Teacha 2:25

Cuz no mo nobody eat o stay good inside if God no help um.

Teacha 3:10

I see wat God give peopo fo do.

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

John 16:24

Befo now, you guys neva go aks my Faddah fo do notting cuz you my guys. Go aks now, an you guys goin get um, fo you guys stay good inside to da max.

James 3:17

But da peopo dat get da kine smarts from God in da sky, main ting, dea spirit stay all clean inside. An notting bodda dem. Dey make good to erybody an make frenz wit erybody. Dey get pity fo you an give you chance. Erytime dey make good tings happen. Dey no make good ony to dea frenz. Dey ony tell wat dey mean an no ack.