Teacha 2:23 - Hawaii Pidgin Bible

²³ Ery day gotta work an suffa an stay sad inside, an even nite time my head get plenny stuff fo tink bout an no can res. Dis no make sense too.

Teacha 2:23 ပူးပေါင်းရင်းမြစ်များ

Start 3:17

God tell da guy Adam dis: “You, you wen do wat yoa wife tell you fo do, an not how I tell you fo do. You wen eat da fruit from dat tree, no matta I wen tell you befo time, no eat um. “Cuz a wat you wen do, I goin make da land hard fo grow stuff! From now, till you mahke, You goin bus ass fo get stuff fo eat!

Start 47:9

Jacob tell Pharaoh, “Hundred thirty year I stay inside dis world. Not plenny, da years I get, an dey hard. But my ancesta guys, dey wen get plenny mo year den me, wen dey stay hea inside dis world.”

Esther 6:1

Dat nite da king no can sleep. Az why he tell his guys bring da record book, da one wea dey write down eryting dat happen from da time he come king. He like fo somebody read um fo him.

Job 14:1

“Us peopo, us all born from oua muddahs. Us live ony short time An get mo plenny trouble inside den us can handle.

Job 5:7

Fo shua, peopo goin get trouble from da time dey born. Jalike fo shua, da sparks from one fire goin fly up.

Songs 127:2

Ony wase time Wen you guys wake up real early An pau hana real late Fo bus ass fo get food. Cuz you know, God take kea Da peopo he get love an aloha fo, Even wen dey stay sleeping.

Songs 32:4

Day time an nite time, I get heavy kine presha from you. All my powa stay suck outa me, Jalike I all dry up, summa time. (Time out fo da music.)

Songs 90:15

Fo all da days Dat you wen give us hard time, Make us guys feel good inside Da same numba days, Fo all da years dat us wen see Bad tings happen.

Teacha 1:13

I make up my mind fo study, an fo try see if da stuff work dat da peopo dat know wat fo do erytime tell. I do dis cuz I like figga out eryting peopo do unda da sky. God give erybody one real hard job fo do, az why!

Teacha 1:18

Cuz wen somebody know wat fo do erytime, Dat mean dey goin hurt mo plenny inside. Mo stuff somebody know, Mo dey come sore inside.

Teacha 2:11

But wen I look eryting I get, from wat my hands stay do, An wat I work fo get, You know wat?! No make sense all dat—jalike I stay chase da wind! I no mo notting unda da sun dat goin las!

Teacha 5:12

Wen one worka guy sleep, he stay good, No matta he grind ony litto bit o plenny. But wen one rich guy get plenny stuff, Dat no let him sleep good.

Teacha 5:17

All dea life, dey stay in da dark. Dey stay futless, dey get hard time, an dey stay huhu.

Teacha 8:16

Wen I wen try fo undastan wat dat mean, fo know wat fo do erytime, an wen I try fo see da kine work peopo do in dis world—I no can sleep day time o nite time.

Daniel 6:18

Den da king go back inside his palace. He no eat notting all nite, an no like nobody play music o throw party fo him o do odda stuff. He no can sleep.

Jesus Guys 14:22

Dey give good kine words to da peopo dat stay tight wit Jesus fo help um stick wit da Good Stuff Bout Jesus fo dem trus Jesus. Dey tell, “Us guys gotta suffa plenny befo us guys see God come oua king.”