Teacha 2:22 - Hawaii Pidgin Bible

²² Wat get fo all da work an worry dat somebody do unda da sun?

Teacha 2:22 ပူးပေါင်းရင်းမြစ်များ

Songs 127:2

Ony wase time Wen you guys wake up real early An pau hana real late Fo bus ass fo get food. Cuz you know, God take kea Da peopo he get love an aloha fo, Even wen dey stay sleeping.

Smart Guys 16:26

If da worka guys feel hungry, den help dem, Cuz den dey work mo hard fo pau da job, Fo dem eat.

Teacha 1:3

“From all da stuff anybody do, No matta dey stay bus ass in da sun. Wen pau, wat goin get from all dat?

Teacha 2:11

But wen I look eryting I get, from wat my hands stay do, An wat I work fo get, You know wat?! No make sense all dat—jalike I stay chase da wind! I no mo notting unda da sun dat goin las!

Teacha 3:9

So den, wat da worka guys goin get fo da work dey do? You tink dat goin stay long time, o wat?!

Teacha 4:6

Mo betta get ony one hand full a stuff, an can res, Den get two hand full a stuff, But da kine work you gotta do fo get um, You ony stay chase da wind.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Teacha 5:17

All dea life, dey stay in da dark. Dey stay futless, dey get hard time, an dey stay huhu.

Teacha 8:15

But me, I figga, az good fo erybody feel good inside. Cuz no mo notting mo betta den one guy unda da sun eat, drink, an stay good inside. No matta he work all da days God give um fo stay alive unda da sun, he goin stay good inside.

Matthew 16:26

Poho fo one guy get eryting inside dis world, but da guy end up cut off from God foeva, an no mo da real kine life inside. You tink you rich enuff fo buy back yoa life?

Matthew 6:11

Try give us da food we need fo ery day.

Matthew 6:25

“Dass why I stay tell you guys, no worry bout how you goin live, wat you goin eat, wat you goin drink, an wat you goin wear. Wat you tink? You live ony fo eat? No way! Yoa body ony fo clotheses? Not even!

Matthew 6:34

“So no worry bout tomorra, cuz tomorra get plenny fo worry bout. Ery day get enuff trouble awready fo dat day.”

Luke 12:22

Den Jesus tell his guys, “Dass why I stay tell you guys, no worry bout notting, how you goin live, wat you goin eat. No worry bout yoa body, wat you goin wear.

Luke 12:29

So eh! No go worry bout wat you goin eat, o wat you goin drink. No worry bout um notting.

1 Corint 16:16

I like tell you guys fo lissen dat kine peopo an do wat dey tell you fo do. Dass erybody dat work hard togedda lidat.

Philippi 4:6

Eh, no worry bout notting! Mo betta, eryting dat happen, pray bout um, an go aks God fo do wateva you guys like him fo do. An same time, no foget tell him, “Mahalo plenny!”

1 Timoty 6:8

If we get food an clotheses, az enuff fo us, an we still yet stay good inside.

1 Peter 5:7

Let God take kea all da stuff dat bodda you guys cuz he get one big heart fo you guys.