Teacha 2:17 - Hawaii Pidgin Bible

¹⁷ Az why I tink, “Poho, dis life!” Cuz da stuff peopo do unda da sun, bodda me plenny! No mo notting make sense. Jalike us chase da wind!

Teacha 2:17 ပူးပေါင်းရင်းမြစ်များ

1 Kings 19:4

But Elijah take one mo day fo go mo inside da boonies. He come by one broom tree an sit down undaneat, an he tell God fo let um mahke. He tell Da One In Charge, “I no can handle no moa! Let me mahke awready! No way I one betta man den my ancesta guys!”

Job 14:13

“I wen like fo you hide me inside da Mahke Peopo Place. An hide me dea till you no stay huhu wit me no moa! I wen like fo you make one time fo me stay dea, An den you no foget me.

Songs 89:47

Try tink bout me. Real short, da time I get fo live! You tink ony wase time You wen make peopo, o wat?!

Teacha 1:14

I wen see eryting da peopo do unda da sun. An you know wat?! Eryting hard fo undastan! Jalike erybody stay try catch da wind!

Teacha 1:17

Den, I make up my mind fo undastan wat “fo know wat fo do erytime” mean, wat “fo ack pupule” mean, an wat “fo ack stupid kine” mean. But wen I find out wat all dat stuff mean, jalike I stay try fo catch da wind too.

Teacha 2:11

But wen I look eryting I get, from wat my hands stay do, An wat I work fo get, You know wat?! No make sense all dat—jalike I stay chase da wind! I no mo notting unda da sun dat goin las!

Teacha 2:22

Wat get fo all da work an worry dat somebody do unda da sun?

Teacha 3:16

An I see anodda ting unda da sun. Get judge guys dat tell wat stay right an wat stay wrong, Even dea, get bad kine stuff dat happen! Get peopo dat stay do wass right, Even dea, get bad kine stuff dat happen!

Teacha 4:2

An I tink dat da peopo dat stay mahke awready Stay mo good inside den da peopo dat stay alive still yet.

Teacha 4:3

But da guy dat not born yet, Mo betta den da two a dem. Cuz he no see da bad kine stuff Da peopo stay do unda da sun.

Teacha 6:9

Stay good inside bout da stuff you see. Az mo betta den tink bout da nice tings you no moa. Wen you tink bout nice tings you no mo, no make sense. Az jalike you chase da wind.

Ezekiel 3:14

Den God Spirit lif me up, an take me away, an I come mad an all sore inside. An same time, Da One In Charge help me an make me mo strong.

Jonah 4:3

You, you Da One In Charge! Kill me now, cuz mo betta I mahke den stay alive!”

Jonah 4:8

Den, da sun come hot. God make one hot wind come from da east side. Da sun shine real strong on top Jonah head, an he litto mo pass out. Jonah tell God, “How come you no jus let me mahke?! Mo betta fo me mahke den stay alive!”

Habakkuk 1:3

How come you make me see Peopo do all kine stuff dass not right?! Wen peopo do wass wrong, How come you let um do um?! Peopo bus up each odda An wipe out each odda right in front me! Dey erytime make argue an beef.

Census 11:15

If dis how you goin make to me, den mo betta kill me right now, if you stay good inside bout me. Cuz I no like see da bad tings dat goin happen to me cuz a wat you make me do!”