Teacha 2:13 - Hawaii Pidgin Bible

¹³ Dis wat I wen see: Az mo betta know wat fo do erytime, Den stay stupid. Jalike mo betta light den dark.

Teacha 2:13 ပူးပေါင်းရင်းမြစ်များ

Songs 119:105

Da tings you tell, dass jalike one lamp Fo show me wea fo put my feets, Dass jalike one light Dat let me see da road.

Songs 119:130

Wen peopo hear da tings you tell, Eryting come clear fo dem, Jalike get light. An dat help da peopo Dat donno wat fo do Undastan wat fo do.

Smart Guys 14:8

Da peopo dat tink strait, Da smart stuff dey do is, Dey tink firs bout wat dey stay do. Da stupid head kine peopo wit attitude, Dey tink dey know wat fo do, But dey bulai ony dem.

Smart Guys 16:16

Fo learn how fo know wat fo do erytime, Fo shua, az mo betta den get plenny gold! Fo find out how fo undastan stuff, Az mo betta den fo get silva.

Teacha 10:10

If one ax not sharp, An nobody make um sharp, Den you gotta wack mo hard wit um. But if you know how fo use um, can use um.

Teacha 11:7

Good, da light, you know. Peopo like see da light from da sun.

Teacha 7:19

One guy dat know wat fo do erytime Get mo powa den ten a da leada guys inside his town.

Teacha 9:16

Az why I tell, “Mo betta know wat fo do, den get one big army.” But da peopo dea no show respeck fo da guy dat no mo notting, no matta he know wat fo do erytime. No mo nobody lissen now wat da guy tell.

Teacha 9:18

Mo betta know wat fo do erytime, Den get plenny stuff fo use fo make war, But one guy dat mess up one time Can wipe out plenny good kine stuff.

Malakai 3:18

Den you guys goin see jalike befo time, da peopo dat stay do wass right, dey stay diffren den da peopo dat stay do wass wrong, an da peopo dat work fo God stay diffren den da peopo dat no work fo God.”

Matthew 6:23

But if da eye no good, dat mean, da guy stay all dark inside. He one greedy buggah! Eh, if no mo light inside you, you stay all dark inside fo shua!

Efesus 5:8

Befo time, you guys neva know God. Jalike was all dark inside you guys. But now, you guys stay tight wit Da One In Charge, jalike you guys get da light inside you. Now, go ack how you suppose to ack, jalike da guys dat get da light inside dem.