Teacha 11:8 - Hawaii Pidgin Bible

⁸ No matta how long one guy stay alive, Good fo him stay good ery year. But good fo him no foget da dark days too Cuz goin get plenny dark days. Eryting dat goin happen, no make sense!

Teacha 11:8 ပူးပေါင်းရင်းမြစ်များ

Job 10:21

Befo I go da place wea I no can come back— Da dark place wea get ony shadows.

Job 10:22

Da place dat stay mo dark den da nite. Black shadows, an eryting stay kapakahi. Even da light stay real dark ova dea!’ ”

Job 14:10

But peopo, wen dey start fo mahke, Dey come weak an breave da las time. An den, wea dey stay?!

Job 14:12

Az how peopo lay down an no get up no moa. Dey no goin wake up till da end a da world. Dey goin ony stay sleep.

Job 15:23

Dey stay look fo food all ova da place, Even da food da scavenja birds eat. Da bad kine guys know dat eryting goin come dark fo dem.

Job 18:18

God push out da bad guys from wea get light, An make um go inside da dark place. Dey get kick outa da world.

Songs 49:20

No matta peopo get Plenny respeck fo somebody, Dey no undastan dis: Dey all goin come wipe out, Jalike da animals.

Teacha 11:2

An peopo tell, “Share some stuff wit seven o eight peopo, Cuz you donno wat kine bad ting goin happen in dis world.”

Teacha 2:15

Den I tink lidis: “Me an da stupid guy goin come out same same! Den wat good I goin get outa dat, dat goin las long time, Jus cuz I know wat fo do erytime?” Den I tell, “Dis no make sense too.”

Teacha 2:17

Az why I tink, “Poho, dis life!” Cuz da stuff peopo do unda da sun, bodda me plenny! No mo notting make sense. Jalike us chase da wind!

Teacha 2:19

An who goin know if dat guy know wat fo do erytime, o if he one stupid kine guy? All dis no matta fo shua cuz da guy goin stay in charge a all da tings dat I work real hard fo, an all da tings I learn how fo do unda da sun.” Dis no make sense too.

Teacha 2:26

If somebody do stuff dat make God stay good inside, God goin make dem know wat fo do erytime, know plenny, an stay good inside. But fo da guy dat do bad kine stuff, God give um da job fo ony stack up plenny stuffs, fo dem give um to some odda guy dat make God stay good inside. Dis no make sense too. Dey ony stay chase da wind.

Teacha 4:16

An no can count da odda peopo dat come befo o afta da young guy, dat no tink he do one good job. All dat no make sense too. Dey chase da wind.

Teacha 4:8

Get one guy dat no mo nobody by him. He no mo boy an no mo braddah. He work all da time. But he no stay good inside wit wat he get. He start fo tink lidis: “How come I stay work dis hard?! How come I no do notting dass good fun?!” Dat no make sense! Ony poho, aah?!

Teacha 6:11

Cuz if you argue plenny, No goin make sense. Wat good dat goin do?!

Teacha 6:6

An even if da guy dat get eryting stay alive fo two tousan year, dat no mean he stay good inside bout his stuffs. Cuz wen dis guy an da bebe mahke, dey goin go da same place erybody go!

Teacha 7:14

So wen eryting go good, stay good inside. But wen eryting go bad, figga lidis: God make good tings an bad tings happen. Az why no mo nobody can figga wat goin happen bumbye.

Teacha 8:12

Get bad guys dat do uku pile a bad kine tings, an still yet live long time, you know. But I know dis too: Da peopo dat stay sked a God, dey goin live mo betta den da bad kine guys cuz dey get choke respeck fo God.

Teacha 8:15

But me, I figga, az good fo erybody feel good inside. Cuz no mo notting mo betta den one guy unda da sun eat, drink, an stay good inside. No matta he work all da days God give um fo stay alive unda da sun, he goin stay good inside.

Teacha 9:7

So eat yoa food an stay good inside. Drink yoa wine wit one good heart. Cuz God awready stay good inside bout wat you do.

Jeremiah 13:16

Tell erybody right now Dat yoa God, Da One In Charge, stay awesome. Cuz if you wait, Da One In Charge goin make you guys come bum out, Jalike he goin make eryting come dark fo you, An jalike he make you guys trip an fall down on top da mountains Wen come litto mo dark. You guys stay wait fo light come, But Da One In Charge goin make eryting come real dark Jalike you stay inside one skery big black cloud.

Joel 2:2

Goin be one dark an sad time. Goin get plenny black clouds. One big an strong army goin come, Jalike wen da light spread out morning time ova da mountains. No mo nobody eva see dat kine befo time, An not goin happen one mo time, Fo all da years an generations.

Matthew 22:13

So da king tell his worka guys, ‘Eh, tie up dis guy hands an feet, an throw um outside inside da dark. Ova dea goin get peopo dat goin cry real hard an grind dea teet cuz dey so huhu an futless.’

John 12:35

Jesus tell dem, “Me, I jalike da light fo you guys. Ony short time mo da light goin stay hea wit you guys. Live da right way now wen get light still yet, cuz no good da dark pio da light you get inside you. Whoeva walk aroun inside da dark, dey donno wea dey going.

Rules Secon Time 32:29

I like dem know wat fo do erytime, An know how come all dis ting happen, An know wat goin happen afta. But az not how dey tink!

Jude 1:18

Dey wen tell you guys, “Befo da world goin come pau, goin get guys come fo make fun a da Good Kine Stuff From God. Dey goin do any kine how dey like.”