Teacha 11:10 - Hawaii Pidgin Bible

¹⁰ So den, throw out da worries inside you. No let pain in yoa body jam you up. Cuz wen you stay young an get black hair, all dat still no make sense!

Teacha 11:10 ပူးပေါင်းရင်းမြစ်များ

Job 11:12

But one guy dat no mo brain no can start fo undastan stuff. Jalike one wild donkey bebe no can be one guy wen he born.

Job 13:26

You write down poison kine tings agains me! You make me suffa fo bad tings I wen do wen I was real young!

Job 20:11

Dea faddah guys bones stay strong wen dey was young. But dey goin mahke, an dose bones goin lay down on top da dirt.

Songs 25:7

Eh! You Da One In Charge! Wen I was young, I wen do bad tings an go agains you. No tink bout me lidat no moa. Mo betta, tink lidis bout me. Tink bout how you stay tight wit me, Cuz you good, az why.

Songs 39:5

Fo shua, you give me Ony litto bit mo time. Da time from wen I born till I mahke, Jalike notting da way you see um. But erybody dat stay live, Dey ony goin breave short time. (Time out fo da music.)

Songs 39:6

“Peopo jalike one shadow Stay walking aroun. Dey run aroun plenny, But ony wase time, Jalike da wind dat come an go. Dey pile up plenny stuffs, But dey donno who goin get da stuffs Afta dey mahke.”

Smart Guys 22:15

Kids, dey like go all out fo do stupid kine stuff. Az why dey need one good wack Fo make shua dey learn da right way, An fo no tink fo do stupid kine stuff.

Teacha 1:14

I wen see eryting da peopo do unda da sun. An you know wat?! Eryting hard fo undastan! Jalike erybody stay try catch da wind!

Teacha 1:2

Da Teacha tell, “No make sense! No make sense! Fo shua eryting no make sense! No mo notting make sense!

Teacha 12:1

So all da time you stay young, No foget da One dat wen make you— Tink bout him befo da time come Wen you come ol an get trouble, An befo da time you figga, “No mo notting make me feel good inside no moa!”

2 Corint 7:1

My frenz, we get all dis stuff God wen promise us. Dass why us guys gotta clean out all da bad kine stuff dat make us pilau inside o outside, an go all out fo come clean an spesho fo God fo real kine, cuz we get real plenny respeck fo him jalike we sked him.

2 Timoty 2:22

Eh Timoty! Watch out! No be like da younga guys, da way dey come jam up cuz dey like do any kine stuff. Mo betta you go all out fo do da right ting erytime, fo trus God, fo get love an aloha, an fo stay so notting bodda you. All da peopo dat tell God dey his guys, an dat stay clean inside, dey like do da right ting erytime—so you gotta make jalike dem.