Teacha 11:1 - Hawaii Pidgin Bible

¹ Peopo tell, “Ship yoa wheat ova da ocean, Cuz afta long time, fo shua you goin get someting back fo dat.”

Teacha 11:1 ပူးပေါင်းရင်းမြစ်များ

2 Samuel 17:29

honey an sof cheese, sheeps, an cheese from da cow milk fo David an his army guys eat. Cuz dey tell, “Da army guys stay hungry an tired an thirsty, ova hea inside da boonies.”

Smart Guys 11:18

Da kine peopo dat do bad kine stuff, Wat dey get fo dat, ony make dem look good. Da kine peopo dat make tings come right, Wat dey get fo dat, stay good fo real kine.

Smart Guys 19:17

You do good kine stuff Fo da peopo dat no mo notting, Jalike you stay lend stuff to Da One In Charge. An Da One In Charge goin pay you back wit good kine stuff Fo wat you do.

Smart Guys 22:9

Whoeva like do good tings fo peopo, God goin do good tings fo dem, Cuz dey give some a dea food To da peopo dat no mo notting.

Teacha 11:6

Plant yoa seeds morning time. Evening time, no stop work. Cuz you donno if da morning stuff goin come good, O da evening stuff, O if da two goin come good.

Teacha 3:6

One time fo look fo someting An one time fo give up look fo someting. One time fo keep An one time fo throw way.

Isaiah 32:20

Afta dat, you guys goin stay feel good inside, Wen you plant yoa seed nea ery stream An let yoa cows an donkey go all ova.

Isaiah 32:8

But da guys dat get one good heart fo help peopo, Dey make one real kine plan fo help um. Dey stay solid, Cuz dey plan fo do good tings.

Prieses 19:25

Den, year numba five, you guys can eat da fruit. Az how you guys goin get even mo fruit. I yoa God, Da One In Charge.

Matthew 10:13

An if dat ohana show you guys respeck, den tell dem you like fo God make dem come so notting bodda dem. But if dey no show respeck, take back wat you tell God fo do fo dem.

Matthew 10:42

Whoeva give one guy dat I stay teach hea even one drink cold watta, jus cuz he one guy I stay teach, no matta he ony one regula guy, I tell you guys fo shua, God goin have plenny good kine stuff bumbye in da sky fo him.”

Matthew 25:17

Da guy dat get da two bag money do da same ting, an get two mo bag money.

Matthew 25:40

“Me, da King, I goin tell, ‘Dass it! I tell you guys fo shua, wateva you guys wen do fo one a my braddahs, no matta peopo tink da guy not importan, was me you guys do um fo.’

Luke 14:14

Den you goin stay good inside. Cuz dem guys no can pay you back bumbye. But God, he goin give you back someting good fo wat you wen do, wen da peopo dat wen do da right tings come back alive.”

2 Corint 9:6

But I tell you guys dis: “Da guy dat plant litto bit seed, he goin get one small crop. Da guy dat plant plenny seed wit one good heart, he goin get mo plenny crop, an he goin stay good inside.”

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.