Teacha 10:16 - Hawaii Pidgin Bible

¹⁶ Bummahs fo you guys inside one country Dat get one guy dass too young fo be yoa king! An yoa prince guys pig out all day from morning time.

Teacha 10:16 ပူးပေါင်းရင်းမြစ်များ

2 Records 13:7

Some good fo notting kine guys wen hang aroun wit Jeroboam. Dey put presha on Rehoboam, Solomon boy. An dat time, Rehoboam still stay kinda young an not strong inside, an no stay strong enuff fo tell um no.

2 Records 36:11

Zedekiah twenny-one year ol wen he come king. He stay king inside Jerusalem eleven year.

2 Records 36:2

Jehoahaz twenny-three year ol wen he come king, an he stay da king inside Jerusalem three month.

2 Records 36:5

Jehoiakim twenny-five year ol wen he come king, an he stay da king inside Jerusalem eleven year. He do bad kine stuff, da way his God, Da One In Charge, see him.

2 Records 36:9

Koniah eight year ol wen he come king. He stay king inside Jerusalem three month an ten day. He do bad kine stuff da way Da One In Charge see him.

Smart Guys 28:16

Wen get one leada guy dat no can tink, He ony like put presha Fo peopo give him stuff. But da leada guys dat no take Unda da table kine money, Dey goin live long time.

Teacha 10:15

All da stuff da stupid guy do, Make him come tired. He donno even how fo go town.

Isaiah 3:12

Da ones dat give my peopo presha, Dey stay ack jalike dey young kids. My peopo get wahines in charge a dem. Lissen, my peopo, Da ones dat tell you guys wea fo go, Dey stay take you guys da wrong way. Dey stay jam up you guys plenny, So you donno wea da right way fo go.

Jeremiah 21:12

You David ohana guys, dis wat me, da Boss, tell: “ ‘Wen you guys judge da peopo, Do wass right ery morning. No let da guys dat rip off peopo Put presha one mo time fo da ones dey wen steal from. If you no do dat, I goin come real huhu jalike fire, Cuz you guys do bad kine stuff. An no mo nobody goin pio dat fire!