Teacha 10:14 - Hawaii Pidgin Bible

¹⁴ An da stupid guy talk plenny. No mo nobody know wat goin happen. Nobody can tell wat goin happen afta dat.

Teacha 10:14 ပူးပေါင်းရင်းမြစ်များ

Job 34:37

Cuz he do mo plenny bad kine stuff an go agains God too. He ony make fun a God in front us guys! He grumble bout God mo an moa!”

Job 35:16

Job, he open his mout an talk, But wat he tell no mean notting! He talk talk talk, But he donno wat he stay talking about.”

Smart Guys 10:19

No talk too much! Bumbye you goin tell someting An peopo goin come all huhu wit you. Da guys dat tink firs befo dey open dea mout, Dey undastan real good wat dey suppose to do.

Smart Guys 15:2

Da peopo dat know wat fo do erytime, Dey make wat dey know Soun good fo erybody. Da stupid head peopo wit attitude, Ony stupid kine stuff come outa dea mout.

Teacha 10:15

All da stuff da stupid guy do, Make him come tired. He donno even how fo go town.

Teacha 3:22

“Az why no mo notting mo betta, den fo peopo do dea work an stay good inside, cuz az why dey stay hea. No mo nobody can make dem see wat goin happen to dem bumbye!”

Teacha 5:3

Jalike wen you get too much stuff dat bodda you, you goin get bad dreams, Same ting, wen you talk too much, you goin talk stupid kine.

Teacha 6:12

So who know wass good fo peopo do all da time dey stay alive? Dey ony get short time fo live, jalike one shadow dat no stay long time, an dat no make sense. An who can tell dem wat goin happen unda da sun afta dey mahke?

Teacha 7:14

So wen eryting go good, stay good inside. But wen eryting go bad, figga lidis: God make good tings an bad tings happen. Az why no mo nobody can figga wat goin happen bumbye.

Teacha 8:7

Nobody know wat goin happen bumbye. Az why no mo nobody can tell anodda guy wass goin happen.

Teacha 9:1

So I tink bout all dis. From dat, fo shua God da One stay in charge a da peopo dat do da right kine stuff an know wat fo do erytime. But nobody know if peopo goin love um o hate um.

Ezekiel 35:13

You guys talk big agains me, an you no hold back wat you tell notting. But me, I hear all dat awready!’ ”