Teacha 10:12 - Hawaii Pidgin Bible

¹² Da guy dat know wat fo do erytime talk good kine, But da stupid guy mout make him come wipe out.

Teacha 10:12 ပူးပေါင်းရင်းမြစ်များ

Job 16:5

But me, I no make lidat. Da way I talk can make you guys feel mo strong. I no hold back fo tell how you guys can come so notting bodda you.

Songs 140:9

No let dose guys stan aroun me An ack jalike dey da winna! Da kine trouble dey tell Dey like do to me, Let um happen to dem, not me!

Songs 37:30

Da peopo dat do wass right, dey tink plenny, So den dey know wat fo do erytime. Dey erytime talk bout Wat dey suppose to do.

Songs 64:8

Da tings dey tell, All goin come back to dem An make um wipe out. All da peopo dat see dem Goin run away sked.

Smart Guys 10:10

Peopo dat make eye signal fo hide wat dey like do, Goin make somebody suffa. Peopo dat do bad kine stuff an no bodda dem, Dey all mout, an dey goin fall down an crack dea head.

Smart Guys 10:8

Da peopo dat know how fo tink, Dey goin lissen an do wat dey suppose to do. Da peopo dat do bad kine stuff an no bodda dem, Dey all mout, an dey goin fall down an crack dea head.

Smart Guys 12:18

Some peopo talk, but dey no tink firs. Az jalike dey stab you wit one knife. But da peopo dat know wat fo do erytime, Wen dey talk, make peopo feel mo betta.

Smart Guys 15:2

Da peopo dat know wat fo do erytime, Dey make wat dey know Soun good fo erybody. Da stupid head peopo wit attitude, Ony stupid kine stuff come outa dea mout.

Smart Guys 15:23

Wen somebody aks you someting An you tell um someting dat help dem, You feel good inside. Wen you tell um someting dey need fo hear Right den an dea, Dass real good!

Smart Guys 19:5

Da kine guy dat bulai any kine in front da judge, Fo shua, da judge goin punish him! Da kine guy dat bulai all da time, No way he goin get away!

Smart Guys 22:11

But if you fo real kine like get one good heart, An you know how fo talk wit respeck, Da king goin be yoa fren.

Smart Guys 26:9

Wen one dumb buggah Dat tink he no need learn notting Try fo tell importan kine stuff Fo make odda peopo tink plenny, Fo shua he goin hurt somebody, Jalike wen one piloot guy Get one kiawe plant wit plenny thorn Fo wack somebody.

Smart Guys 31:26

Wen she talk, she show dat she know wat fo do erytime. Wen she teach, she show aloha erytime.

Teacha 12:11

Wat da guys tell dat know wat fo do erytime, az jalike da sharp poles fo poke da cows fo make um go da right way. Eryting dey tell, az jalike da kine nails dat stay solid wea dea owna poun um. Eryting dey tell come from God, da one good sheep guy.

Teacha 4:5

Peopo tell: Da stupid guys no work notting. Wen dey do dat, dey ony come hamajang.

Teacha 5:2

No talk befo you tink! No rush fo tell someting wen you stay in front God. God stay in da sky, An you stay on top da earth. So talk ony litto bit!

Teacha 5:6

No let yoa mout make you do bad kine stuff. An no tell da Temple messenja guy, “Was one mistake, I wen make dat strong promise!” No good, God come huhu cuz a wat you tell! An no good, he wipe out da tings you wen make wit yoa hands!

Teacha 9:17

Mo betta lissen wat da guys tell dat know wat fo do erytime, No matta dey no talk loud, Den lissen one leada fo da stupid guys, dat yell.

Matthew 12:35

Da good guy, he good inside, an he do good kine stuff. Da bad guy, he bad inside, an he do bad kine stuff.

Luke 19:22

Da boss tell, ‘Bummahs! I goin make jalike one judge. Wat you tell show you one bad worka! You know I one hard guy. I take wat not mines, an I harves da crop dat I neva plant.

Luke 4:22

Erybody dat hear him talk good bout him. Dat blow dea mind cuz he talk good. Dey tell, “Eh, dis Joseph boy, aah?”

Efesus 4:29

No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.

Colosse 4:6

Weneva you guys talk, no talk any kine—talk wit aloha. An no talk ony bout da junk kine stuff. Dass jalike food dat no mo taste. Talk bout da kine good stuff. Dass jalike food dat stay ono, cuz get salt fo taste! Eh! Good fo know how fo talk to any kine guy.