Teacha 10:11 - Hawaii Pidgin Bible

¹¹ If one snake bite you Befo da guy dat train snakes teach um fo no bite, Den da snake guy no goin earn notting.

Teacha 10:11 ပူးပေါင်းရင်းမြစ်များ

Songs 52:2

You tink bout how you goin hurt peopo. An da tings you tell hurt peopo, Jalike you cut um Wit one sharp knife, Cuz you bulai um.

Songs 58:6

Eh God! Punch out da teet Inside dese bad leada guys mout! Eh! You Da One In Charge! Dem guys, dey jalike young lions, So go pull out dea big teet!

Songs 64:3

Dey make ready fo tell Tings dat hurt plenny, Jalike dey stay make dea swords sharp. Dey tink how fo talk bad An make eryting come bad, Jalike dey make ready Fo shoot poison arrows.

Smart Guys 18:21

Da tings peopo tell Get da powa fo kill odda peopo, O fo make um come alive. Da kine peopo dat like fo talk plenny, Wateva dey tell, goin come back to dem.

Teacha 10:10

If one ax not sharp, An nobody make um sharp, Den you gotta wack mo hard wit um. But if you know how fo use um, can use um.

Jeremiah 8:17

Dis da message from Da One In Charge: “Dis wat I goin do. I goin sen da army guys all ova wea you guys stay live, Dey jalike poison snakes! No mo nobody can make dem come tame. Dey jalike snakes, an dey goin bite you guys!”

James 3:6

An da mout jalike one fire. Erybody get mout, but wit yoa mout you can make one diffren kine world, wea eryting stay wrong. Da tings us guys tell wit da mout can make us come bad inside. Cuz wat we tell can make eryting come jalike get one fire stay burn you up inside. An dat kine fire come strait from Hell.

James 3:8

But no mo nobody can make dea mout do wat dey like um fo do erytime. Yoa mout stay jalike one wild ting. You no can stop tell bad kine stuff, an wat you tell can kill you, you know, jalike da poison.