Teacha 1:14 - Hawaii Pidgin Bible

¹⁴ I wen see eryting da peopo do unda da sun. An you know wat?! Eryting hard fo undastan! Jalike erybody stay try catch da wind!

Teacha 1:14 ပူးပေါင်းရင်းမြစ်များ

Teacha 12:8

Da Teacha tell, “No make sense! No mo notting make sense!”

Teacha 2:11

But wen I look eryting I get, from wat my hands stay do, An wat I work fo get, You know wat?! No make sense all dat—jalike I stay chase da wind! I no mo notting unda da sun dat goin las!

Teacha 2:17

Az why I tink, “Poho, dis life!” Cuz da stuff peopo do unda da sun, bodda me plenny! No mo notting make sense. Jalike us chase da wind!

Teacha 2:26

If somebody do stuff dat make God stay good inside, God goin make dem know wat fo do erytime, know plenny, an stay good inside. But fo da guy dat do bad kine stuff, God give um da job fo ony stack up plenny stuffs, fo dem give um to some odda guy dat make God stay good inside. Dis no make sense too. Dey ony stay chase da wind.

Teacha 3:19

Wat goin happen to da peopo an da animals, same ting! Jalike peopo mahke, da animals mahke. Dey all breave da same. Peopo not mo betta den da animals! All dat no mean notting. An no make sense!

Teacha 4:16

An no can count da odda peopo dat come befo o afta da young guy, dat no tink he do one good job. All dat no make sense too. Dey chase da wind.

Teacha 4:4

An I stay tink bout all da hard work an eryting dat peopo stay do. An how come dey do um? Fo shua, cuz one guy tink he do someting mo betta den some odda guy do um. Dat no make sense too. Dey chase afta da wind.

Teacha 4:6

Mo betta get ony one hand full a stuff, an can res, Den get two hand full a stuff, But da kine work you gotta do fo get um, You ony stay chase da wind.

Teacha 6:9

Stay good inside bout da stuff you see. Az mo betta den tink bout da nice tings you no moa. Wen you tink bout nice tings you no mo, no make sense. Az jalike you chase da wind.

Teacha 8:16

Wen I wen try fo undastan wat dat mean, fo know wat fo do erytime, an wen I try fo see da kine work peopo do in dis world—I no can sleep day time o nite time.