Start 7:4 - Hawaii Pidgin Bible

⁴ You gotta do dat, cuz afta seven day, I goin make da rain come down hard on top da groun. Goin rain day time an nite time, an goin stay lidat fo forty days. Dass how I goin wipe out eryting dat stay alive from dis world dat I wen make.”

Start 7:4 ပူးပေါင်းရင်းမြစ်များ

Start 2:5

all ova da world, neva even have wild bushes country side. Neva have da kine grass dat come up country side, cuz God, Da One In Charge, neva make da rain come down on top da groun yet, an cuz neva have nobody fo work da groun.

Start 6:13

God tell Noah, “I look all da peopo in front me. All ova da world, dey ony figga how fo bus up each odda. But me, you know wat I goin do? I goin wipe um all out big time!

Start 6:17

“Cuz you know wat I goin do? I goin make da big watta come, wit watta from da sky all ova da groun. Dass how I goin wipe out eryting dat stay alive an breave unda da sky. Eryting dat stay alive on top da groun goin mahke.

Start 6:3

Den Da One In Charge tell, “I wen give da peopo my spirit inside dea bodies fo make um stay alive. Still yet, dey ony peopo. My life no goin stay inside dem foeva. So from now, dey ony goin live hundred twenny year.”

Start 6:7

An den Da One In Charge figga, “I goin wipe out from da world all da peopo I wen make awready. I goin wipe out all da animals too, da small kine tings dat crawl, an da birds dat fly inside da sky, cuz bodda me dat I wen make all dis.”

Start 7:10

Den, day numba seven, da big watta from da sky come down all ova da world.

Start 7:12

Was day time an nite time fo forty day da rain come down on top da groun.

Start 7:17

Dat flood watta from da sky stay on top da groun forty days. Da flood watta come an pick up da big boat an float um up wea da groun was befo time.

Start 7:3

Same ting fo da birds dat fly inside da sky. Fo ery kine bird, take seven boy kine an seven girl kine wit you. Dey goin be jalike da seeds fo make da whole world come alive one mo time.

Start 8:10

Noah wait one mo week, an he let da dove go out from da big boat one mo time.

Start 8:12

Still yet, he wait one mo week fo let go da dove one mo time. Dat time, da dove no come back by Noah.

Start 8:2

Da pukas wea da watta come out undaneat da wild ocean close up, an same ting wit da flood watta dat come down from inside da sky. An dass how God stop da rain from da sky.

Job 22:16

You know da big flood grab dem befo da time dey suppose to mahke, Jalike wen da big watta wash away da foundation fo one house.

Job 28:25

Da time God tell how strong da wind stay blow, An measure how much watta stay get,

Songs 69:28

Wipe out dea name From da Book Dat Tell Who Get Life. No write um wit da peopo Dat stay do wass right.

Jeremiah 28:16

Az why Da One In Charge tell me fo tell you: ‘Litto bit mo time an den I goin wipe you out from on top da earth. Dis year you goin mahke, cuz you wen tell da peopo fo go agains me, Da One In Charge!’ ”

Amos 4:7

Da One In Charge tell: “Da time you guys wen need da rain da mostes, Fo three month befo you harves da food, Was me dat hold back da rain. I wen make da rain go one town an not da odda town. Had rain one field, an anodda field dry up.

Jesus Show 3:5

Erybody dat fight an win ova da bad kine stuff, Dey goin wear clean white kine clotheses lidat. I no goin wipe out dea name eva From da Book Dat Tell Who Get Da Real Kine Life! I know dea names, An I goin tell my Faddah an his angel guys Dat dose guys, dey my guys.