Start 7:11 - Hawaii Pidgin Bible

¹¹ Noah was six hundred year an two month an seventeen day ol, wen dat happen. Dass wen Da watta dat run undaneat da wild ocean bus loose, An da big watta from inside da sky come down, Jalike somebody open up da windows up dea.

Start 7:11 ပူးပေါင်းရင်းမြစ်များ

Start 1:7

An dass wat God do. God make someting fo no let da watta up dea an da watta undaneat come togedda.

Start 6:17

“Cuz you know wat I goin do? I goin make da big watta come, wit watta from da sky all ova da groun. Dass how I goin wipe out eryting dat stay alive an breave unda da sky. Eryting dat stay alive on top da groun goin mahke.

Start 7:6

Dat time, Noah was 600 year ol. Dass wen da big watta from da sky wen come down all ova da world.

Start 8:14

Was da numba two month, day numba 27 da groun wen come dry fo real kine.

Start 8:2

Da pukas wea da watta come out undaneat da wild ocean close up, an same ting wit da flood watta dat come down from inside da sky. An dass how God stop da rain from da sky.

2 Kings 7:19

Da officer wen tell Elisha, da guy dat stay tight wit God, “You tink Da One In Charge goin open up windows inside da sky an make food come down jalike rain?! No way!” An Elisha tell da officer guy, “You goin see um happen jalike I wen tell. But you, you no goin eat notting from dat!”

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”

Job 12:15

If Da One In Charge hold back da watta, eryting come dry. If he let go da watta, da watta make flood ova da land.

Job 28:4

Dey open up mine tunnels far from wea da peopo live. Inside da kine places dat peopo dat wen travel know But foget how fo go dea. Dey swing from ropes wen dey work, One side to da odda side, far from erybody.

Job 38:16

“You wen go by da watta springs unda da ocean, Wea da watta come from fo fill up da ocean, o wat? You wen walk aroun inside da mos deep places on da bottom a da ocean, o wat?

Job 38:37

Who smart enuff fo count da clouds? Who can spill da watta jars dat get inside da sky fo make rain?

Songs 33:7

He bring togedda da watta Inside da ocean an keep um dea, Jalike he put da open ocean Inside one storage place.

Songs 74:15

Was you wen open up da pukas Fo watta come outa da groun An split da valleys fo da streams. Was you wen dry up da rivas Dat get watta all da time.

Smart Guys 3:20

God know plenny stuff, An dass how he can make da big watta bus outa da stone, Da watta from da deep places undaneat. An he can make da dew come down from da clouds too, Litto bit litto bit at one time.

Isaiah 24:18

Anybody run away from some skery kine noise, Dey goin fall down inside da deep hole. Anybody climb outa da deep hole, Somebody goin catch dem in da trap. “Az goin be jalike da time Da sky wen open fo let da watta come down, An undaneat da earth, da foundation stay shake!

Isaiah 24:19

“Da earth stay all bus up. Da earth stay all crack. Da earth stay shake plenny.

Jeremiah 5:22

Da One In Charge tell, “I da One you guys betta watch out! You betta come sked a me! Wen you stay in front me, You guys goin shake cuz you sked! I wen put da sand by da sea edge. Da sand make da ocean stay dea foeva. Da waves come in an go out, An dey no can do notting. Da wave make big noise, But dey no goin go ova da sand.

Jeremiah 51:16

Da thunda, az his voice, Da big noise from da watta inside da sky. He make da clouds come up From da mos far places on top da earth. He make da lightning come wit da rain He let da wind come outa his storage places.

Ezekiel 26:19

“Dis wat me Da One In Charge, da Boss, tell: I goin make you one empty place jalike odda towns wea nobody stay, an bring one tsunami ova you, so da ocean cova you.

Malakai 3:10

“Go bring all da ten percent you owe me Inside da temple storage place. Den goin get food inside my house. So, try see if I fo real bout all dat! See if I no goin open da windows inside da sky An pour down fo you guys plenny good tings, Too plenny fo you guys handle! Me Da One In Charge, Da God Ova All Da Armies, an dass wat I tell.

Matthew 24:38

Dat time, befo da big watta come, erybody was eating an drinking. Dey wen get married an give dea girls fo get married. Dey still stay do dat till da time wen Noah go inside da big boat.

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!

2 Peter 3:6

An God wen use watta bumbye too, wen da big flood wen come an wipe out erybody inside da world.