Start 6:17 - Hawaii Pidgin Bible

¹⁷ “Cuz you know wat I goin do? I goin make da big watta come, wit watta from da sky all ova da groun. Dass how I goin wipe out eryting dat stay alive an breave unda da sky. Eryting dat stay alive on top da groun goin mahke.

Start 6:17 ပူးပေါင်းရင်းမြစ်များ

Start 2:7

Den God, Da One In Charge, take dirt from da groun an make one guy. God blow on top his face fo make da guy come alive. Az how da guy get life inside him.

Start 6:13

God tell Noah, “I look all da peopo in front me. All ova da world, dey ony figga how fo bus up each odda. But me, you know wat I goin do? I goin wipe um all out big time!

Start 6:16

Make one roof on top da boat, an make um open all roun, eighteen inch down from da roof, fo da light go inside. On da side, make one door fo da boat. Inside, make da bottom deck, da middo deck, an da top deck.

Start 6:7

An den Da One In Charge figga, “I goin wipe out from da world all da peopo I wen make awready. I goin wipe out all da animals too, da small kine tings dat crawl, an da birds dat fly inside da sky, cuz bodda me dat I wen make all dis.”

Start 7:15

ery kine ting dat need air fo live, had two a dem dea. Dey all go by Noah inside da big boat.

Start 7:17

Dat flood watta from da sky stay on top da groun forty days. Da flood watta come an pick up da big boat an float um up wea da groun was befo time.

Start 7:4

You gotta do dat, cuz afta seven day, I goin make da rain come down hard on top da groun. Goin rain day time an nite time, an goin stay lidat fo forty days. Dass how I goin wipe out eryting dat stay alive from dis world dat I wen make.”

Start 9:9

“Kay den! Dis da deal I stay make fo you guys, fo da peopo dat goin come from you guys bumbye,

Job 22:16

You know da big flood grab dem befo da time dey suppose to mahke, Jalike wen da big watta wash away da foundation fo one house.

Songs 107:34

God make da kine land dat grow plenny fruits Come all mud, Cuz da peopo dat live dea do bad kine stuff.

Songs 29:10

Da One In Charge, he get his throne ova da big flood, Da One In Charge, he stay king foeva.

Outa Egypt 14:17

You know wat I stay do? I stay make da Egypt army guys get real hard head fo dem chase afta you guys. Den, I goin use da Pharaoh guy an all his army guys an his war wagons an his horse rida guys fo make erybody know how awesome I stay!

Isaiah 51:12

Da One In Charge tell, “Me, I da One Dat give you guys good kine words An make you feel good. But how come you sked a peopo Dat ony goin mahke bumbye?! Da peopo dat goin mahke jalike da grass?!

Isaiah 54:9

“Fo me, dis jalike da time da guy Noah live An da big watta wipe out eryting. Dat time, I wen make one strong promise Dat da big watta, da Noah time kine, No goin cova da earth one mo time. Same ting dis time, I stay make one strong promise Dat I no goin come huhu wit you guys one mo time. I no goin tell you guys no moa, Dat you stay do wass wrong.

Ezekiel 34:11

“ ‘Cuz a dis, dis wat me Da One In Charge, da Boss, tell: I da One goin look fo my sheeps, find um an take kea dem.

Ezekiel 34:20

“ ‘Az why dis wat me Da One In Charge, da Boss, tell da leada guys: Dis wat I goin do! Cuz you leada guys make jalike da momona sheeps, I da One goin judge da momona sheeps an da skinny sheeps fo see wat ones do wass right!

Ezekiel 5:8

“Az why Da One In Charge, da Boss, tell dis: Me, I da One dat stay agains you Jerusalem peopo! I goin punish you guys right dea wea you guys stay. An da odda peopos goin watch.

Ezekiel 6:3

Go tell dem: ‘You Israel mountains! Lissen up! Dis wat Da One In Charge, da Boss, tell da mountains an da hills, da gulches an da valleys: Look me! I da One dat stay bring army guys fo fight you guys. I goin wipe out all da place on top da Israel mountains wea you guys go fo make sacrifice.

Hosea 5:14

Cuz az me, Da One In Charge, Dat punish Israel an Judah. I goin be jalike one lion dat attack da Efraim peopo. Jalike one lion dat go agains da Judah ohana. I goin bus dem up, den go way. I goin drag dem wit me, an no mo nobody goin free um up.

Prieses 26:28

den I goin get real mad wit you guys. I goin punish you guys cuz a da bad kine stuff you guys stay do, seven times mo worse.

Amos 9:6

Da One In Charge, he build da top part a his house inside da sky, Da arch go all da way up from da earth. He tell da watta fo come up outa da ocean, Den he pour um out on top da groun. Da One In Charge, dass his name, Cuz dass who him!”

Matthew 24:39

Da odda peopo, dey neva know wat was goin happen, till da big watta come an wipe um out. You know, I da Fo Real Kine Guy, an wen I come back, goin be same ting lidat.

Luke 17:27

Dat time da peopo wen eat an drink, dey marry an give dea girls fo marry, till da day Noah go inside da big boat. Den da big watta come an kill all da odda peopo.

Rome 5:21

Befo time, da bad kine stuff dat peopo do take ova dem an make um mahke. But now, cuz a wat Da One In Charge, Jesus Christ, wen do, God do someting real good fo us. He take ova us guys, fo us get um right wit him an fo come alive fo real kine foeva.

Rome 6:23

Dis da deal: Wen you do da tings you not suppose to do, dass how you get cut off from God. But get anodda deal dat God get fo you. He like give you someting dass real good—da real kine life dat goin stay to da max foeva! An you get dis wen you stay tight wit Jesus Christ, Da One In Charge a us guys.

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Hebrews 11:7

Noah, he wen trus God. Az why God tell um, “Watch out! Bad stuff goin happen, da kine stuff dat nobody eva see yet!” Noah wen get plenny respeck fo God. Dass why he make one big boat fo take his ohana guys outa da big flood. He trus God, an dat show dat da odda peopo inside da world do bad kine stuff. But Noah, he wen get um right wit God cuz he trus God.

1 Peter 3:20

Dey da peopo dat neva like lissen God long time befo time. Dat time, wen Noah stay make da big boat, God stay wait fo da peopo fo do wat he tell um fo do, but dey neva like do um. Dass why ony da eight peopo inside Noah boat wen come outa da big flood okay.

2 Peter 2:5

Same ting fo da whole world long time befo time. Dat time, da peopo was acking jalike dey tink God, he notting. Same time, had da guy Noah dat was telling da peopo fo do da right ting. But dey neva lissen. Dass why God wen make um rain hard on top dem, an da flood wen wipe um out. But God wen take kea Noah, plus seven odda peopo from Noah ohana.