Start 49:9 - Hawaii Pidgin Bible

⁹ Judah, he jalike one young lion. He come big cuz he kill meat fo eat. Jalike da lion, he lay on top da groun, Ready fo jump an kill all da animals. Jalike da lion, no mo nobody goin make um stan up!

Start 49:9 ပူးပေါင်းရင်းမြစ်များ

1 Kings 10:20

On top ery step, get one lion statue dat stan one side, an anodda lion statue dat stan da odda side, dass twelve lions on top da six step. Da odda countries neva make notting like dat fo dea king guys.

2 Records 9:18

Da throne get six step, an one gold stool fo da king feets dat stay part a da throne. On two side a da throne get places fo res da arms, an one lion statue standing one side an anodda lion statue da odda side.

Ezekiel 19:5

“ ‘Wen da muddah see wat she stay wait fo No goin happen, She take anodda bebe, An teach him fo come one strong lion.

Hosea 5:14

Cuz az me, Da One In Charge, Dat punish Israel an Judah. I goin be jalike one lion dat attack da Efraim peopo. Jalike one lion dat go agains da Judah ohana. I goin bus dem up, den go way. I goin drag dem wit me, an no mo nobody goin free um up.

Hosea 5:4

Da Israel peopo stay do bad kine stuff, An dat make um so dey no come back by me, dea God. Cuz inside, dey ony like fool aroun wit odda gods. Dey donno me, Da One In Charge.

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Census 23:24

Look! Da peopo stan up jalike da wahine lion. Dey get ready jalike da lions, Dat no res till dey eat wat dey catch, An drink da blood.”

Census 24:9

Jalike one lion Dey crawl an lay down. An jalike da wahine lion, Nobody like wake her up! “Da ones dat talk good bout you guys, I like good tings happen to dem. Da ones dat try put kahuna on top you guys, I like dem get kahuna on top dem!”

1 Corint 15:24

An afta Christ come back, he goin wipe out all da spirits dat tell, “Me, I da leada! I stay in charge a eryting! I get da right fo make how I like! I strong!” Den Christ da King goin turn ova eryting to God his faddah, an eryting goin come pau.

Rules Secon Time 33:20

Dis wat Moses tell bout da Gad ohana: “I like peopo tell dat Da One In Charge do good kine stuff fo dem Cuz he make da Gad ohana land mo big. Dey live dea jalike one lion Dat can take off yoa arm O even da skin from yoa head.

Jesus Show 5:5

But one older leada guy tell me, “Eh, brah! No need cry! Look! Christ, God Spesho Guy! Jalike da Bible tell from befo time, he jalike one Lion! He da King dat come from da Judah ohana! He da Main One dat come from King David. He wen win ova da bad kine stuff, so he get da right fo broke da seven wax kine seal, an open da paypa!”