Start 49:26 - Hawaii Pidgin Bible

²⁶ Me, yoa faddah, I like da good tings dat I tell God fo do fo you Come mo plenny den all da good tings You goin get from da ol mountains, Mo plenny den from da nice tings dat come From da hills dat goin stay foeva. I like all dis good stuff come to Joseph, On top his head, his girigiri, Cuz he da guy dat wen come mo importan Den all his odda braddah guys.

Start 49:26 ပူးပေါင်းရင်းမြစ်များ

Start 37:28

Dat time, da Ishmael ohana guys from Midian side dat buy an sell stuffs go by dem. Da braddah guys pull up Joseph outa da big hole. Dey sell um to da Ishmael ohana guys. Da Ishmael guys, dey pay twenny piece silva fo Joseph, an dey take Joseph Egypt side wit dem.

Start 37:8

Da braddah guys tell um, “Wot! You tink you goin come king ova us guys? You tink you goin tell us guys wat we gotta do?” Cuz a da dream, an cuz a wat Joseph stay tell um, dey hate um mo plenny den befo time.

Start 49:27

“Benjamin! His ohana goin be jalike one wild wolf dog dat go afta da animals. Morning time, he eat da meat he wen kill. Evening time, he half half wit his army guys da stuff he wen steal.”

Songs 132:18

I goin make shua, wen you tink bout Da peopo dat stay agains my king, You ony goin rememba Dat I put plenny shame on dem. But da crown on top da king head Goin shine so you no foget How awesome him!”

Songs 89:36

Goin get peopo dat come from him Fo be da king in front me foeva, Jalike da sun come up foeva.

Isaiah 54:10

No matta no mo da mountain An da hills shake, Da way I stay tight wit you guys, Dat no goin change, An da deal I wen make wit you guys Fo make shua eryting stay good fo you, Dat goin still stay solid.” Dass wat Da One In Charge tell. He get love an pity fo you guys.

Isaiah 66:5

You guys dat stay sked an shaking wen Da One In Charge talk, Lissen wat he tell: “Da odda Israel guys dat hate you guys, Dey no let you guys stay wit dem Cuz you know wat kine god me. Dey make fun a you guys, an tell, ‘Good, you show respeck fo Da One In Charge! We like see you guys stay good inside!’ But dey da ones goin come shame!

Jonah 2:6

I go down to wea da mountains stan, On top da ocean bottom. Jalike I go down to da Mahke Peopo Place, Dat get one lock fo keep me inside, An I no can go outside, eva! But you, you da God I pray to, Da One In Charge! You wen bring me up outa da grave, An I alive still yet!

Habakkuk 3:6

Wen he stop, da earth shake. Wen he look da peopos, dey come sked an shaking. Da mountains dat stay from befo time come broke up. Da ol hills fall down. He do wat he do foeva.

Census 6:2

Talk to da Israel ohana peopo. Tell dem: “If one guy o one wahine like do someting real spesho, okay fo dem make one strong promise fo come diffren den da odda peopo an spesho ony fo me, az wat dey call da Nazir kine promise.

Jesus Guys 7:9

“Da braddahs come jealous cuz a dea braddah Joseph, an dey sell him fo come one slave Egypt side. But God stay wit him.

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.