Start 49:24 - Hawaii Pidgin Bible

²⁴ But Joseph guys, dea bow neva lose fight An dea arm stay strong fo move quick. Az cuz me Jacob, I pray to da Strong God. Az why he make Joseph guys come strong too. God jalike da Sheep Guy dat take kea me, Jalike he da Big Rock dat stay help me, Israel.

Start 49:24 ပူးပေါင်းရင်းမြစ်များ

Start 45:11

I goin make shua all you guys get enuff food ova dea wen you come, cuz still goin be five mo year dat no goin grow food notting. I goin make shua I take kea a you guys, all yoa ohana peopo, an eryting you get, fo you no mahke cuz no mo notting fo eat.’

Start 45:5

But now, cool down! No come all huhu bout how you guys make befo time, cuz you wen sell me an make me come hea. You guys neva do um. Was God wen do um! God wen sen me ova hea befo you guys come hea, fo keep you guys alive!

Start 45:7

Az how come God wen sen me hea befo you guys come fo make shua you guys an yoa kids da ones dat goin stay alive hea inside da world. God wen like do someting awesome so you guys come out okay an no goin mahke.

Start 47:12

Joseph even take kea his faddah an his braddah guys, an all da ohana peopo dat come from his faddah. He give um food ova an ova fo dem no mahke.

Start 48:15

Den Israel tell God fo take kea Joseph, lidis: “I like tell dis bout God: My granfaddah Abraham an my faddah Isaac, Dey wen live da way God tell dem fo live In front God. Dass da God dat take kea me Jalike one sheep guy take kea his sheeps, From da time I born till now.

Start 49:23

Da army guys dat use bow an arrow Fo attack Joseph guys, Dey stay real piss off wit da Joseph guys.

Start 50:21

So, no sked. I goin take kea you guys an yoa kids fo you get food.” He talk real nice to dem fo dem no worry.

2 Samuel 5:2

Befo time, wen Saul stay da king ova us guys, was you dat wen lead da Israel army fo go fight da odda peopos. Da One In Charge wen tell you, aah? ‘You goin take kea my peopo, da peopo dat come from Israel, jalike one sheep guy take kea da sheeps. You goin come da one dat lead all dem.’ ”

2 Kings 13:16

Elisha tell da king, “Pick up da bow.” Wen Jehoash do dis, Elisha put his hands on top da king hands.

Nehemiah 6:9

All dem Sanballat guys ony like make us come sked. Dey tink dis bout us, “Da Jew guys goin come too weak, an dey goin lose fight an no can build da wall.” But now I pray to God fo make my hand strong!

Job 29:20

Peopo goin get respeck fo me, An dey goin tell me dat ova an ova. I goin come mo an mo strong all da time.’ Befo time, dass how I wen tink.

Songs 118:22

Da peopo tell: “Had one big rock. Da builda guys tell, ‘Dis rock, no good!’ But afta, dass da rock dey wen put Fo da main corna block.”

Songs 132:1

Eh! Da One In Charge, No foget King David An how he wen suffa plenny.

Songs 132:2

David make one strong promise To Da One In Charge, One promise to da Strong God Dat Jacob wen pray to.

Songs 132:5

Till I find one place Dass right fo Da One In Charge, One place fo Da Strong God stay. Da One dat Jacob wen pray to.”

Songs 18:1

David tell: “Eh! You Da One In Charge! I get love an aloha fo you! You da One make me strong!”

Songs 18:30

I like talk bout da One dass da God fo me: Da way he do tings, come out how suppose to be. Eryting dat Da One In Charge promise fo do, Garans he goin do um. Fo all da peopo dat let Da One In Charge take kea dem, He jalike one shield dat no let dem get hurt.

Songs 23:1

Da One In Charge, he take kea me, Jalike da sheep guy Take kea his sheeps. Az why I get eryting I need.

Songs 27:14

Eh erybody! Try wait! Da One In Charge goin take kea you! No lose fight, an no come sked notting! Wait fo Da One In Charge take kea you!

Songs 28:8

Da One In Charge, He da One make his peopo strong. Da king dat Da One In Charge wen pick, Da One In Charge get him outa trouble. Da One In Charge, He jalike one strong wall, Az why no mo notting can hurt da king.

Songs 44:7

Cuz you da one Stay get all us guys outa trouble. You da one dat make Da guys dat stay hate us, Come shame.

Songs 73:23

But eh Da One In Charge! Still yet, I stay tight wit you, Jalike you stay hold my right hand.

Songs 80:1

You da one dat take kea Us Israel ohana guys Jalike one sheep guy Take kea his sheeps. You da one dat show Da Joseph ohana guys wea fo go, Jalike one sheep guy Show his sheeps wea fo go. So, lissen wat I tell! From da place you stay, Ova da Box Fo No Foget Da Deal, Wea da awesome angel watcha guys Stay on top— Show how strong you!

Songs 89:1

Eh! You Da One In Charge! From now an foeva, I goin sing Bout how you stay tight Wit yoa peopo. I goin sing fo da peopo Dat goin come bumbye, Fo make shua dey goin know Fo trus you erytime Fo do wat you tell you goin do.

Outa Egypt 3:6

Den God tell Moses, “Me, I da God fo yoa faddah guy. I da God fo Abraham, I da God fo Isaac, an I da God fo Jacob.” Wen Moses hea dis, he cova his face cuz he sked fo look strait at God.

Isaiah 1:24

Dass why dis wat Da One In Charge, da Boss, tell. He da God Ova All Da Armies, Da Strong One dat help da Israel peopo. Az wat he tell: “I goin fight an win Ova erybody dat go agains me, Fo dem no bodda me no moa! I goin pay back erybody dat stay agains me.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 29:24

Da peopo dat stay all mix up inside, Dey goin undastan. Da peopo dat grumble, Dey goin learn how fo figga out stuff.”

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Isaiah 49:26

I goin make da guys dat give you guys hard time Eat dea peopo. Dey goin come piloot Cuz dey drink dea blood jalike az was wine. Den da peopo from all ova da world goin know Dat me Da One In Charge, da One dat get you guys outa trouble. I pay da price fo do dat. I da Strong God, da One Jacob wen pray to.”

Isaiah 60:16

Da peopo from odda countries an dea king guys Goin make you guys come strong, Jalike one muddah breas feed her bebe Fo make um come strong. An you guys goin know dat me, Da One In Charge, I da One dat get you guys outa trouble. I da One dat pay da price Fo you guys no come slaves no moa. I da Strong One fo da Jacob peopo.

Zekariah 10:12

I goin make dem come strong army guys, Cuz me Da One In Charge, an I strong. Wen dey march, dey goin use my name.” Az wat Da One In Charge tell.

Zekariah 3:9

Look da jewelry stone I wen put in front Joshua. Get seven flat places on top da stone. I goin cut words on top um. An in one day I goin take away da blame from da peopo inside dis land.’ ” Az wat me, Da One In Charge, Da God Ova All Da Armies, tell.

Matthew 21:42

Den Jesus tell um, “You guys neva read dis inside da Bible, o wat? bout da stone dass jalike me: “Had one big stone, Da builda guys stay figga, ‘Poho! Dis stone no good!’ An dey throw um out. But dat stone, Dass da corna block Fo make da building strong. Da One In Charge wen do dis, aah? An dis awesome!”

Mark 12:10

Eh, you guys neva read inside da Bible bout da stone dass jalike me? Da Bible tell, “ ‘Had one big stone, Da builda guys tink, “Poho! Dis stone junk!” An dey no take um. But dat stone, Dass da corna block. Da one make da building strong.

Luke 20:17

Jesus look dem in da eye an tell, “Den wat dis mean inside da Bible dat tell, “ ‘Had one big stone, Da builda guys neva like use um, An dey tell dis rock, no good! But dat stone, Dass da corna block Dat make da building strong.’

Jesus Guys 4:11

Jesus, he da One da Bible talk bout: “ ‘Da stone da builda guys neva like use, cuz dey figga was no good, Dat stone come da corna block fo da whole building.’

Rome 14:4

Eh, wat make you tink you get da right fo tell dat da odda worka guy stay wrong? He no work fo you! Somebody else stay in charge a him. His boss da ony one dat can tell um fo real kine if he stay okay o if he stay jam up. But you know wat? Dat guy goin come pono, cuz Da One In Charge a him stay real strong fo make dat guy come pono, az why.

Efesus 2:20

Dass jalike God wen build one house. Da guys he wen sen all ova fo tell da peopo da Good Stuff bout him, an da guys dat wen go talk fo him, dey jalike da foundation. An you guys, jalike he build you guys togedda on top um. An Jesus Christ, he jalike da corna block.

Rules Secon Time 32:4

God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

Rules Secon Time 33:27

Da God dat stay from befo time, He take kea you guys. Undaneat you guys, get his arms dat stay foeva. He goin throw out da peopo dat stay agains you guys. He goin tell, ‘Go wipe dem out!’

Rules Secon Time 34:9

Den God spirit take ova Joshua, Nun boy, an make um know wat fo do erytime. Cuz befo Moses mahke, he wen put his hands on top Joshua fo show he da one goin lead da peopo afta him. So da Israel peopo lissen Joshua, an do wat Da One In Charge tell Moses dey gotta do.

Colosse 1:11

an get mo strong inside from God awesome kine powa, dat goin make you guys handle any kine an hang in dea long time.

2 Timoty 4:17

Still yet, Da One In Charge, he wen back me up an make me strong! He like me fo tell da peopo eryting bout him, dass why. All da diffren peopos wen hear wat I tell um. An Da One In Charge wen take me out from dat place, jalike from inside da lion mout.

Joshua 17:18

You goin get da up country fo yoa property, wit plenny trees too. Cut down da trees, an da whole land goin come yoas. No matta da Canaan peopo get iron war wagons an dey strong, you guys can make dem go way from dea.”

Local Leadas 1:22

Dis, da Joseph ohana story. Dey go attack Bethel, an Da One In Charge stay wit dem.