Start 49:11 - Hawaii Pidgin Bible

¹¹ Judah get plenny grape farm, So he no lose notting if he tie his young donkey to one grape plant, Da bebe donkey, he tie um to da plant dat get da bestes grape. He no need watta fo make his clotheses come clean, Cuz he rich, an he get plenny wine fo wash um, He can even wash his robe wit da red juice from da grape dat look jalike blood.

Start 49:11 ပူးပေါင်းရင်းမြစ်များ

Start 49:12

His eye shine mo den da wine. His teet mo white den da milk.

1 Kings 4:20

All ova da Judah an Israel land, get choke plenny peopo, jalike da sand on top da beach. Dey all get plenny fo eat an drink, an dey stay good inside.

1 Kings 4:25

All da time Solomon stay alive, da Judah an Israel peopo no need worry bout notting, from da Dan land north side to Beer-Sheba town south side. Erybody can sit down unda dea grape vine an fig tree.

2 Kings 18:32

An goin stay lidis, till I come an move you guys to one diffren land dat stay jalike yoa land, da kine land wea get wheat an new wine, bread an grape farms, wit olive trees fo make oil, an honey. So, make up yoa mind wat you like! You guys like live, o you guys like mahke? “But no lissen Hezekiah, cuz he like make you guys tink diffren kine, wen he tell, ‘Da One In Charge goin get us outa dis.’

Joel 3:18

“Dat time, goin be jalike da mountains stay drip wit new wine. An jalike milk goin run down da hills jalike rivas. All da gulches inside Judah goin get plenny watta. One watta spring goin come outa da Temple Fo Da One In Charge, An goin give watta inside da gulch wea get koa trees.

Amos 9:13

An you know wat? Da One In Charge tell dis too: “Goin come da time, Wen dey plant stuff goin grow real fas. Da firs part goin be ready fo harves Befo dey even ready fo plant da odda part! Even wen time awready fo make ready da grape seeds Fo plant da nex time Dey still goin make lidat fo step all da grapes dey get Fo make wine, from da las time! Goin get real plenny juice from da fresh grapes Goin run down da hills An make da hills look jalike dey stay melt all ova da place!

Micah 4:4

Dat time, erybody goin sit down Undaneat his grape plant an his fig tree, An nobody goin make um come sked. Cuz Da One In Charge, Da God Ova All Da Armies, Wen tell dis.

Rules Secon Time 32:14

He give um sof cheese from dea cows An milk from dea sheeps an goats, An da bestes kine meats from da bebe sheeps an goats, An meat from da big kine sheeps Dat stay Bashan side, an goats, An wheat dat get big seed. He let um drink da juice From da grapes, da red wine.

Rules Secon Time 8:7

Cuz oua God, Da One In Charge, stay bring you guys inside one good land, wea get streams an watta place, an watta come from undaneat da valleys an hills.

Rules Secon Time 8:8

Az one land wit wheat an barley, grape plants, an fig trees, pomagrams, olive oil, an honey.

Jesus Show 14:20

Dey smash da grapes inside da wine puka outside da big town, an blood come outa da puka. Had real plenny blood, aroun two hundred miles long an five feet deep.

Jesus Show 19:18

You birds can eat up all da peopo dat goin mahke! da kings, da army bosses, da strong guys, horses an da guys dat ride on top um, an all da odda peopo—da slave guys, da guys dat not slaves, big guys an litto guys.”

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.

Jesus Show 7:7

From da Simeon ohana, 12,000 get God mark. From da Levi ohana, 12,000 get God mark. From da Issakar ohana, 12,000 get God mark.