Start 49:10 - Hawaii Pidgin Bible

¹⁰ Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

Start 49:10 ပူးပေါင်းရင်းမြစ်များ

2 Samuel 7:13

He da one goin build one temple fo show wat kine god me, an I goin make his blood line strong an solid, so da king guys dat goin come from him, goin stay king foeva.

2 Samuel 7:16

Yoa ohana goin stay solid foeva. Same ting fo da king guys in da line dat come from you. Da right you guys get fo be da king, goin stay solid foeva too.’ ”

1 Records 12:24

Judah guys wit shield an spear, 6,800 guys wit stuff ready fo fight.

1 Records 12:39

Da guys stay dea three days wit David. Dey stay eat an drink, cuz dea blood line peopo sen food wit dem fo eat.

Songs 108:8

Gilead side, all dat land stay mines, Manasseh side, same ting. Efraim side, my army guys Goin come from dea. Judah side, dass wea my king guys Goin come from.

Songs 60:7

Gilead side, all dat land stay mines, Manasseh side, same ting. Efraim jalike da helmet Fo proteck my head. Judah, he jalike da stick I carry Fo show I da king.

Songs 60:9

So! Who goin show me da way fo go To da big town dat get strong wall?! Who goin bring me to da Edom land?!

Songs 78:68

Da ohana dat God wen pick, Az was da Judah ohana. He wen pick Zion hill Inside Jerusalem town, Cuz he get love an aloha Fo dose peopo ova dea.

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 2:2

Bumbye, wen da world almos pau, God goin make da hill wea da Temple Fo Da One In Charge stay, Come da mos importan place in da whole world, Mo importan den da odda hills. Den all da peopo from odda countries Goin come dea.

Isaiah 33:22

Da One In Charge, he oua Judge. Da One In Charge, he da One give us guys oua rules. Da One In Charge, he da king fo us guys. He da One goin get us outa trouble.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Isaiah 55:3

Go come by me, an lissen real good! Lissen, fo you guys come alive inside. I goin make one deal wit you guys Dat goin stay foeva: Da tings I wen promise King David dat I goin do Wen I tell I goin stay tight wit him foeva, I goin do all dat fo shua, Cuz I do wat I promise fo do!

Isaiah 60:1

Da One In Charge tell: “You Jerusalem peopo, Stan up! Shine jalike one light! Cuz now, you get awesome light from me, Da One In Charge. I stay awesome, An I jalike da bright light Dat make you peopo come awesome too, Jalike wen da sun come up an shine light fo you.

Isaiah 62:11

Da One In Charge tell da peopo all ova da world fo lissen: “Tell my Jerusalem peopo from Mount Zion, ‘Look! Da One goin get you guys outa trouble, He stay come! Look! He stay bring wit him Da ones he wen get outa trouble!’ ”

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

Jeremiah 30:21

Da numba one guy fo dem goin be one a dea guys. Dea leada guy goin come from dem. I goin let him come nea me, An he goin come. Cuz peopo goin come sked fo come nea me, If I no tell um, can!” Az wat Da One In Charge tell.

Jeremiah 33:26

An jalike I neva broke dat deal, I no goin broke my deal bout da Jacob ohana, o da peopo dat goin come from my worka guy David! Fo shua I goin pick guys dat come from him, fo stay king fo da peopo dat come from Abraham, Isaac, an Jacob. Az cuz I goin bring um back from prison, an I get love an pity fo dem.”

Ezekiel 19:11

Da branches come real strong— Strong enuff fo make da kine stick Dat da king guys carry fo show dat dey king. Stay tall wit plenny leafs. Can see um cuz mo tall den all da odda grape plants An cuz get choke plenny branch.

Ezekiel 19:14

Da fire go from one a da main branches An burn up all da fruits. No mo strong branch on da plant Dat can use fo make da kine stick dat one king carry fo show he da king.’ ” Dis one sad song, an da peopo suppose to sing um wen dey stay sad.

Ezekiel 21:27

All bus up! Jerusalem town goin come all bus up! Me, Da One In Charge, goin bus um up! Eryting goin stay all bus up till da one dat come get da right fo take um ova. Dass da one I goin give um to!”

Ezekiel 21:32

Dey goin burn you up. Dey goin kill you inside yoa land. Nobody goin rememba you no moa. Cuz dis me, Da One In Charge, tell all dis.”

Daniel 9:25

“Know dis an tink plenny bout um: From da time da message come fo go build Jerusalem town one mo time, till one guy come dat God goin pick fo lead da peopo. Dat goin be seven times seven year, an den sixty-two times seven year. Dey goin build Jerusalem town wit open spaces inside an one real strong wall, no matta goin get big trouble dat time.

Hosea 11:12

Da Efraim peopo stay bulai me all da time. Az da Israel peopo, an da way dey ack, I no trus dem. But da Judah peopo still hang out wit me, God, no matta wea dey go! Dey stay good wit me, Da One dat stay good an spesho,

Micah 5:1

Bring all yoa army guys togedda, You Jerusalem guys, dat get Babylon army guys All aroun yoa big town! Da peopo dat stay agains us, Dey goin wack da leada fo da Israel peopo On top da cheek wit one stick.

Haggai 2:7

I goin shake up all da diffren nations. Da rich kine stuffs from all da nations goin come hea. An I goin make dis Temple come real awesome. Az wat me Da One In Charge, Da God Ova All Da Armies, tell.

Zekariah 10:11

Dey goin go thru trouble jalike thru one ocean. But I goin make da wild ocean waves come quiet. An da deep places inside da Nile Riva goin come dry. Da Assyria peopo get big head, but I goin bring um down, An da Egypt king goin get wipe out.

Zekariah 2:11

“Dat time, plenny nations goin come tight wit me, Da One In Charge. Dey goin come my peopo. I goin live wit you guys.” An you guys goin know dat Da One In Charge, Da God Ova All Da Armies, he da One wen sen me, Zekariah, by you guys.

Census 21:18

Sing bout da puka dat da prince guys wen dig. An da alii fo da peopo wen make um Wit da sticks dat show dey da leada guys An wit dea sticks fo walk.” Den da peopo go from da boonies to Mattanah,

Census 24:17

“I see him, but az not fo now. Wat I see, no stay nea. One star goin come out from da Jacob peopo. One king goin come from da Israel peopo. He goin smash da Moab peopo head, An da skulls a da Shet peopo.

Census 24:19

Goin get one leada come from da Jacob peopo. He goin wipe out erybody dat stay alive still yet inside Ar town.”

Matthew 1:21

She goin born one boy, an you goin name um Jesus, cuz he goin get his peopo outa da kine bad stuff dey do.”

Matthew 17:5

Peter still stay talking, an you know wat? Get one bright cloud cova dem. Den, one voice from inside da cloud tell, “Dis my boy! I get plenny love an aloha fo him. I feel real good inside cuz a him. Eh, lissen him!”

Matthew 21:9

An plenny guys stay walk in front an behind, an yell, “Hui! God goin take us outa da bad kine stuff we stay in! Dis guy from King David ohana, God goin do plenny good kine stuff fo him. He da guy dat come wit powa from Da One In Charge! Da awesome God goin take us Outa da bad kine stuff we stay in!”

Matthew 25:32

All da diffren kine peopos from all ova da world goin come togedda in front me. Den I goin put some a dem on one side an some on da odda side. Goin be jalike one sheep guy put da sheeps one side an da goats da odda side.

John 12:32

Wen dey lif me up from da groun fo kill me, den I goin bring erybody by me.”

John 18:31

Den Pilate tell dem, “Take him den an judge him jalike how yoa Rules tell you gotta do.” Da pries guys tell Pilate, “Us guys no can do dat, cuz us guys no mo da right fo kill nobody da Rome way, on top one cross.”

John 19:12

From dat time, Pilate try fo let him go. But da Jews make big noise an yell, “If you let dis guy go, you not King Cesar fren. If anybody like come one king, he agains King Cesar.”

John 19:15

But dey make big noise an yell, “Hang um up! Hang um up! Kill da buggah on top one cross!” Pilate tell um, “Wot! You like me kill yoa king?!” Da Main Pries guys tell, “Us guys, we no mo anodda king, ony King Cesar!”

John 9:7

Den Jesus tell um, “Go, wash yoa face inside da Siloam watta place.” (Siloam mean, “Dey Sen Watta Dea.”) Az why da guy go ova dea an wash his face, an wen he go home, he can see!

Rome 15:12

Isaiah wen tell dis inside da Bible too: “From Jesse boy King David, Goin get anodda Guy dass goin come bumbye. He goin come da leada fo all da diffren peopos. Dey know dat he goin come bumbye, An dat dey goin trus him cuz dey know who him.”

2 Corint 5:10

You know, erybody gotta go in front Christ da Judge, an us no can hide notting. Dat time us goin get back wat we wen do, wen we wen stay inside dis world. An no matta us wen do da good kine stuff o da no good kine stuff.

Rules Secon Time 28:57

She goin eat even da stuff dat come out afta she born one bebe! She goin eat her bebe dat she born too! She goin eat um so nobody know. Az cuz da peopo dat stay agains you guys goin make you suffa plenny, wen dey put army guys all aroun yoa big towns.

Hebrews 7:14

Da One In Charge a us guys, Jesus, erybody know dat he come from da Judah ohana. But wen Moses talk bout da guys from da Judah ohana, he neva tell notting bout prieses.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”