Start 48:19 - Hawaii Pidgin Bible

¹⁹ But Joseph faddah no like lissen. He tell, “Eh my boy, I know, I know. Da older one, he goin come one peopo too, an he goin come importan. Still yet, da younga braddah, him da one goin come mo importan den da odda one. Da peopo dat goin come from him, goin get mo plenny, dey goin come plenny diffren peopos.”

Start 48:19 ပူးပေါင်းရင်းမြစ်များ

Start 17:4

“Cuz I get dis deal wit you, you goin come da ancesta guy fo big stack diffren peopos.

Start 25:23

Da One In Charge tell her, “Get two peopos inside you. Two diffren ohanas goin come from you, An dey goin stay agains each odda erytime. One peopo goin be mo strong den da odda peopo. Da older braddah ohana goin work fo da younga braddah ohana.”

Start 25:28

Isaac, he love Esau mo den he love Jacob, cuz Isaac like grind da wild meat jalike Esau. But Rebecca, she love Jacob.

Start 28:14

Yoa peopo goin come choke plenny, jalike no can tell how much sand get on top da groun. Dey goin go all ova dis land, makai side an mauka side, up country side an low country side. All da diffren ohanas all ova da world, bumbye wen dey tink bout you an da peopos dat goin come from you, dey goin tell, ‘Eh! Us like God do good tings fo us guys too, jalike he stay do fo Jacob an fo da ohana dat goin come from him!’

Start 46:3

God tell um, “Dis me, God, da same God yoa faddah wen pray to befo time. No sked go Egypt side. Wen you stay dea, I goin make da peopo dat goin come from you, come real rich an importan kine peopo.

Start 48:14

But Israel, he cross his hands. He put his right hand on top Efraim head, no matta Efraim da numba two boy. Den Israel put his lef hand on top Manasseh head, no matta Manasseh da numba one boy dat suppose to get someting spesho from his daddy, mo den his braddah.

Start 48:18

Joseph tell his faddah, “Not lidat, Daddy! Da odda one, he da numba one boy. You gotta put yoa right hand on top his head.”

Isaiah 7:17

Da One In Charge, Da Boss, goin make you, an yoa peopo, an yoa faddah guy ohana, suffa plenny, mo plenny den you guys eva suffa befo, from da time wen da Israel peopo dig out from da Judah peopo. He goin bring da king from Assyria fo make you suffa!”

Ezekiel 27:10

Guys from Persia, Lydia, an Libya, Stay in yoa army too. Dey hang dea shields an helmets on top yoa walls, An dat make you guys look awesome!

Rules Secon Time 1:10

Yoa God, Da One In Charge, make you guys come plenny peopo awready. Az why today you guys stay plenny jalike da stars inside da sky.

Rules Secon Time 33:17

Da Joseph ohana, dey big an strong, Jalike one king, Jalike one bull dat born firs. Da Joseph ohana get plenny powa, Jalike one wild cow dat get big horn, An wit da horn dey poke all da diffren peopos same time, Even da one dat stay Da mos far place on top da earth. Az how da ten tousan Efraim ohana peopo dat come from Joseph stay, An da tousans inside da Manasseh ohana dat come from Joseph.”

Jesus Show 7:6

From da Asher ohana, 12,000 get God mark. From da Naftali ohana, 12,000 get God mark. From da Manassah ohana, 12,000 get God mark.

Jesus Show 7:8

From da Zebulun ohana, 12,000 get God mark. From da Joseph ohana, 12,000 get God mark. From da Benjamin ohana, 12,000 get God mark.