Start 47:9 - Hawaii Pidgin Bible

⁹ Jacob tell Pharaoh, “Hundred thirty year I stay inside dis world. Not plenny, da years I get, an dey hard. But my ancesta guys, dey wen get plenny mo year den me, wen dey stay hea inside dis world.”

Start 47:9 ပူးပေါင်းရင်းမြစ်များ

Start 11:11

An afta Arpakshad born, Shem live 500 year moa, an he get odda boys an girls too.

Start 35:28

Isaac, he live 180 year.

Start 47:28

Jacob live Egypt side seventeen year. He mahke wen he was 147 year ol.

Start 47:8

Pharaoh tell Jacob, “How ol you stay now?”

Start 5:27

Metuselah live 969 year, den he mahke.

Start 50:26

Joseph mahke wen he 110 year ol. His braddah guys make his body ready fo bury Egypt style, an dey put um inside one coffin, ova dea Egypt land.

1 Records 29:15

Da way you see us guys, us ony stay hea short time, jalike we come from anodda place, jalike we ony visit—jalike all oua ancesta guys wen do. Us guys live hea in da world ony short time, jalike one shadow, an us donno wat we stay wait fo.

Job 14:1

“Us peopo, us all born from oua muddahs. Us live ony short time An get mo plenny trouble inside den us can handle.

Songs 119:19

Me, I ony goin live inside dis world short time, you know. So try no hide da tings You tell me fo do.

Songs 119:54

I get plenny songs fo sing Bout da tings you tell me I gotta do, No matta wea I stay, hea inside da world.

Songs 39:12

Eh! You Da One In Charge! Try lissen wen I pray! Lissen wen I yell to you fo help me! Wen you hear me stay cry, No hold back! Cuz I ony one guy Dat stay hea wit you short time, Jalike all my ancesta guys.

Songs 39:13

No get mad face at me no moa! Let me smile one mo time Befo I go way an mahke.

Songs 39:5

Fo shua, you give me Ony litto bit mo time. Da time from wen I born till I mahke, Jalike notting da way you see um. But erybody dat stay live, Dey ony goin breave short time. (Time out fo da music.)

Outa Egypt 6:4

Same time, I stay keep da promise I wen make wit yoa ancesta guys. I wen make one promise I goin give um da Canaan land, da same place wea dey wen stay make house fo live dea short time.

Outa Egypt 7:7

Da time dey talk to da Pharaoh guy, Moses was 80 year ol, an Aaron was 83 year ol.

2 Corint 5:6

An dat make us feel real good inside an no need worry no moa. No matta we know dat all da time we stay alive inside dis body, we no stay in da sky wit Da One In Charge.

Rules Secon Time 34:7

Moses was one hundred an twenny year ol wen he mahke, but his eyes still see good an he still yet stay strong.

Hebrews 13:14

Cuz ova hea, us guys no mo town dat goin stay foeva. But we like wait fo see da big town dat goin come bumbye.

James 4:14

Eh, you guys! You guys donno wat goin happen tomorra, o how yoa life goin be! You jalike da morning kine cloud dat come way down. You spock um one short time ony, an den, dey go way.

Joshua 24:29

Afta dat Joshua, Nun boy, dat work fo Da One In Charge, mahke. He one hundred ten year ol.

1 Peter 2:11

My frenz, you guys no stay kamaainas ova hea an you stay hea ony short time. Az why I stay beg you guys fo no do da bad kine stuff yoa body tell you fo do. Inside you, da bad kine stuff stay fight you.