Start 44:18 - Hawaii Pidgin Bible

¹⁸ Den Judah go nea Joseph an tell um, “Eh, you my boss, an I yoa slave guy! So try let me, yoa slave guy, tell dis one ting. Try no come huhu wit me, cuz you get da same kine powa jalike da Pharaoh guy!

Start 44:18 ပူးပေါင်းရင်းမြစ်များ

Start 18:30

Den Abraham tell Da One In Charge, “Eh! No come huhu wit me, no matta you da Boss. But I ony goin aks you dis: Wat if can find thirty peopo ova dea dat do da right ting?” Da One In Charge tell um, “If I find thirty peopo dea, I no goin do notting.”

Start 18:32

Den Abraham tell, “Boss, dis da las time I goin talk, so, no come huhu, aah? Wat if ony get ten ova dea?” Da One In Charge tell, “Fo da ten good peopo, I no wipe out da oddas.”

Start 37:6

Dis wat he tell um: “Eh! Try lissen! I like tell you guys wat I wen dream.

Start 37:7

All us guys was outside, inside da wheat field. Us was tying up da wheat plants we wen harves. An you know wat? Da wheat plants I wen tie, go stan up! Den da odda wheat plants you guys wen tie, make circle aroun mines, an go down in front my wheat fo show um respeck!”

Start 37:8

Da braddah guys tell um, “Wot! You tink you goin come king ova us guys? You tink you goin tell us guys wat we gotta do?” Cuz a da dream, an cuz a wat Joseph stay tell um, dey hate um mo plenny den befo time.

Start 41:40

You goin stay in charge a my govmen. Wateva you tell all my peopo, dey goin do tings yoa way. I da Pharaoh, an I da ony guy mo importan den you.”

Start 41:44

Da Pharaoh guy tell Joseph dis too: “I da king fo Egypt, an I tell you dis: all ova dis land, nobody goin move dea hand o dea feet, till you tell um dass okay!”

Start 44:17

Joseph tell um: “No! I not da kine guy fo make all you guys come slaves! Ony da guy dat dey find wit da spesho cup, dat guy goin come one slave fo me! You guys can go back by yoa faddah guy, an no need worry notting. Eryting goin be okay.”

2 Samuel 14:12

Den da wahine tell, “Try let me tell you, my boss da king, one mo ting.” He tell, “Shoots! Tell me.”

Esther 1:12

But wen da helpa guys go dea an tell her wat da king tell her fo do, she no like go. Den da king come real mad wit her.

Job 33:31

“Kay den, Job! lissen good! No talk! I da one goin talk.

Songs 79:5

Eh! You Da One In Charge! Wen all dis goin come pau?! You goin stay mad all da time, o wat? You goin stay jealous, An burn up inside, o wat?

Outa Egypt 32:22

Aaron tell, “Moses, you da boss. No get mad bout dis. You know dis peopo, dey like do bad kine stuff.

Smart Guys 19:12

Wen one king get mad, you betta watch out! Az jalike wen one lion make big noise. But wen da king like wat you stay do, eryting stay okay! Jalike wen da dew come on top da grass.

Daniel 3:15

Now, wen you guys hear da soun from da music one mo time, if you guys stay ready fo go down an show respeck fo da statue dat I wen put up, az good. But if you guys no go down in front um, my guys goin throw you guys inside da real hot fire inside da big oven. Den wat kine god goin help you guys get outa my powa, aah?! No way!”

Daniel 5:19

Cuz God make him mo importan, all da diffren peopos from ery country an ery language come real sked a him. Wen da king like somebody fo mahke, he kill um. Wen he like keep somebody alive, he keep um alive. Wen he like make somebody come mo importan, he make um mo importan. Wen he like make somebody come not importan, he make dem come not importan.

John 5:22

My Faddah not da judge fo nobody, but he make me da judge fo erybody, cuz I his Boy. I da one dat suppose to tell if dey do good tings o bad tings.

Jesus Guys 2:29

“My braddahs an sistahs, good I tell you guys fo real kine dat da leada fo oua ohana, David, he wen mahke, an dey bury him, an his grave stay hea still yet.