Start 43:14 - Hawaii Pidgin Bible

¹⁴ Da God Dat Get All Da Powa, I like he make dat Egypt guy tink good bout you guys an give you guys chance, an let yoa odda braddah go wit you guys, an Benjamin too. Me, if I gotta lose my boy, den I gotta lose um. Dass it!”

Start 43:14 ပူးပေါင်းရင်းမြစ်များ

Start 17:1

Laytas, wen Abram 99 year ol awready, Da One In Charge let Abram see him. He tell um, “Me, I Da God Dat Get All Da Powa. So, live da way I tell you fo live, an no do notting dat goin make shame.

Start 22:14

Abraham give dat place da name Da One In Charge See Um. Dass mean, “Da One In Charge See Wat I Need An Give Me Dat.” Nowdays peopo still yet tell: “On top da mountain wea Da One In Charge stay, God see wat we need an give us dat.”

Start 28:3

I like Da God Dat Get All Da Powa fo make you fo do eryting he like you fo do, fo you get plenny kids. Goin get plenny diffren peopos come from you bumbye.

Start 35:11

God tell Jacob dis too, “Me, Da God Dat Get All Da Powa. Born plenny kids. Come plenny peopo. One nation, an plenny odda nations, Dey all goin come from you. Even goin get king guys Dat goin come from yoa ohana too.

Start 39:21

Da One In Charge, he stay tight wit Joseph inside dea too, an take kea him. Da One In Charge even make da guy in charge a da jail like Joseph plenny.

Start 42:24

Den Joseph go way from dem an cry plenny. Afta he feel mo betta, he come back inside an talk wit dem. Joseph pick one a da braddah guys, Simeon, an he tell his guys fo tie up Simeon in front da odda braddah guys.

Start 42:36

Dea faddah Jacob tell um, “You guys! You take my boys away from me! Joseph, he mahke awready. Simeon, gone awready. An now, you like take away Benjamin too! Eryting bad happen to me!”

Start 43:13

An yoa braddah guy, take him too. Go back by da Egypt guy.

Start 44:12

Joseph guy check out all da bags. He start from da oldes braddah firs, an den da nex. Da las one he wen check out, was da younga braddah Benjamin. An he find da spesho silva cup right dea inside da bag!

Ezra 7:27

Den Ezra tell: “I like tell erybody good tings bout Da One In Charge, da God fo oua ancesta guys. He da One dat wen make King Artaxerxes help fix da Temple Fo Da One In Charge, Jerusalem side, an make um real nice!

Nehemiah 1:11

Eh! You my boss, so I stay praying hard fo you fo lissen good. Get odda peopo, you da boss fo dem too, an dey stay good inside cuz dey know wat kine god you, no matta dey sked wen dey in front you. Dey stay tell you da same ting. So I like you make eryting come good fo me today. Cuz I goin aks da King fo do someting real good fo me. Az why I stay aks you, God, fo make him lissen wat I get fo tell.” Dat time, I was da guy in charge a da wine da king goin drink.

Esther 4:16

“Go bring togedda all da Jew guys you can find inside Susa town. No eat food so you can pray fo me. No eat an no drink fo three day, day time o nite time. Me an da wahines dat work fo me, we goin do da same ting, no eat an no drink notting fo three days too, fo us pray. Afta we do dat, I goin go in front da king, no matta I stay broke da rules. An if I mahke, I mahke.”

Songs 100:5

Cuz Da One In Charge, he good! He stay tight wit his peopo foeva! Yoa kids An da ones dat goin come from dem, Dey goin know fo trus him Jalike you guys know fo shua Fo trus him!

Songs 106:46

Fo all da diffren nations Dat wen take his peopo Away from da Israel land, Da One In Charge make dem Feel pity fo his peopo.

Songs 119:41

Eh! You Da One In Charge! Stay tight wit me, cuz I yoa guy! Get me outa trouble, Jalike you wen tell me you goin do!

Songs 85:7

Eh! You Da One In Charge! Let us guys see how you stay tight Wit yoa peopo, An do someting fo get us outa trouble!

Smart Guys 1:1

Inside dis book, get da importan kine stuff fo make us guys tink, da kine Solomon like tell us. (Him King David boy, da king fo da Israel peopo.)

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Smart Guys 21:1

Wen one king guy gotta make up his mind wat fo do, Da One In Charge, he da One Stay in charge a wat da king pick. Az jalike da guy in charge a da watta ditch. He make da watta go wea eva he like make um go.

Isaiah 49:13

“Erybody inside da sky, Yell cuz you stay feel good inside! An you peopo all ova da world, You stay feel good inside too! Erybody inside da mountains, Yell an sing! Cuz Da One In Charge give good kine words Weneva his peopo stay feel sore inside, An he show love an pity Fo da peopo dat stay suffa.”

Luke 1:50

He give da peopo chance Dat show respeck fo him, From da granfaddas to da grankids.

John 19:22

Pilate tell um, “I wen tell my guys wat fo write, an dass how goin stay!”

Jesus Guys 21:14

Us no can make Paul stay, az why we pau try change his mind. An we tell, “Wat Da One In Charge like, dass wat goin happen.”

Jesus Guys 7:10

God take him outa all da trouble he stay in. He make him know wat fo do erytime, an help him. Da king fo Egypt, da Pharaoh guy, he figga Joseph one good guy. So Pharaoh make him da leada fo da Egypt land an all his palace.

1 Timoty 1:16

But Jesus Christ wen give me chance, no matta I wen do all dat bad kine stuff. Cuz he like use me fo show da odda peopo how he wait fo dem long time too. I jalike da numba one picha fo da peopo dat bumbye goin trus Jesus, an get da real kine life dat goin stay to da max foeva!

1 Timoty 1:2

You jalike my boy, an I jalike yoa faddah, fo real kine, cuz I wen help you fo trus God. God oua Faddah, an Jesus Christ Da One In Charge a us guys, I like dem fo do plenny good stuffs fo you wit aloha, an give you chance, an make you stay so notting bodda you.

Titus 1:4

Eh, Titus, you jalike my boy fo real kine, cuz you wen trus God jalike me! I like God an Jesus do plenny good tings fo you, an make you stay so notting bodda you. God, he oua Faddah, an Jesus Christ, he da Spesho Guy God Wen Sen fo take us outa da bad kine stuff.

2 John 1:3

I like God da Faddah an his Boy Jesus Christ do plenny good tings fo us guys, an give us chance, an make um so notting bodda us. God tell us wass true an he get love an aloha fo us.