Start 43:11 - Hawaii Pidgin Bible

¹¹ Den dea faddah Israel tell um, “Kay den. If az how gotta be, den az how goin be. So do dis: go get da bestes kine stuffs dat come from dis land. Take um wit you inside yoa bags fo make present fo da main man—litto bit sap from da kine bush dass good fo medicine, litto bit honey, da kine sap you get outa da tragacanth root, myrrh, pistachio nut, an almond nut.

Start 43:11 ပူးပေါင်းရင်းမြစ်များ

Start 33:10

Jacob tell Esau, “But try take dis present dat I stay give you cuz I like you stay good to me. Cuz erytime I look you, jalike I look God face, cuz you take me in wit aloha.

Start 37:25

Afta dat, da braddah guys sit down fo eat. Dey look, an spock plenny guys from da Ishmael ohana stay come from Gilead side. Da guys all go Egypt side togedda. Dey get plenny camels, an da camels stay carry stuff fo sell Egypt side, sap from da trees dat smell nice, diffren kine sap fo make perfume, an bark from da trees fo incense.

Start 43:10

Cuz you know, if us no wen wait so long time bout dis, us go Egypt side an come back hea two time awready.”

Start 43:14

Da God Dat Get All Da Powa, I like he make dat Egypt guy tink good bout you guys an give you guys chance, an let yoa odda braddah go wit you guys, an Benjamin too. Me, if I gotta lose my boy, den I gotta lose um. Dass it!”

Start 43:15

Den da guys take da present, double da silva, an Benjamin. Dey go Egypt side an dey go stan in front Joseph.

Start 43:25

Den, dey make ready da present fo Joseph wen he come home noon time, cuz dey hear dat dey suppose to eat lunch his house.

Start 43:26

Den Joseph come home. Dey bring inside da house da present dey get fo him. Den dey go down in front him on top da groun fo show respeck.

1 Kings 10:15

He get tax money too, from da guys dat buy stuff an sell um. All da kings from Arabia side, an all da govna guys in charge a Solomon land, dey pay him too.

1 Kings 10:25

Ery year fo long time, da peopo dat come by Solomon, all bring present fo him. Dey bring silva an gold kine tings, an robes, an stuff fo da army guys use, an all kine spice, an horses an mules.

1 Kings 15:19

“Yoa faddah an my faddah wen make one deal fo help each odda. So now, az good me an you make da same kine deal. Look—I stay sen you one present, silva an gold. I like fo you go broke da deal you get wit Baasha, da king fo da Israel peopo, so he no fight wit me.”

1 Kings 4:21

Solomon was da King in charge a all da local kine kings from da Eufrates Riva to da Filisha land, an all da way to da Egypt borda. Da local kine kings bring rich kine gifs fo Solomon an dey work fo him all da time Solomon stay alive.

2 Kings 16:8

King Ahaz take da silva an gold tings dat get inside da Temple Fo Da One In Charge, an inside his palace too, an sen um to da Assyria king fo one present so da Assyria king no attack Ahaz land.

2 Kings 20:12

Dat time, Merodak-Beladan, Beladan boy, da Babylon king, sen Hezekiah one letta an one present, cuz he hear dat Hezekiah wen come sick.

2 Kings 8:8

King Ben-Hadad tell Hazael, “Take one present wit you, an go meet da guy dat stay tight wit God. Go find out from him wat Da One In Charge tell. Aks him if I goin come good from dis sick, o wat?”

Esther 4:16

“Go bring togedda all da Jew guys you can find inside Susa town. No eat food so you can pray fo me. No eat an no drink fo three day, day time o nite time. Me an da wahines dat work fo me, we goin do da same ting, no eat an no drink notting fo three days too, fo us pray. Afta we do dat, I goin go in front da king, no matta I stay broke da rules. An if I mahke, I mahke.”

Songs 68:29

Cuz you wen put yoa Temple Inside Jerusalem town, Plenny kings bring presents dea Fo you.

Songs 72:10

I like fo da king guys from Spain An all da islans Come back to oua king Fo give um gifs. I like fo da king guys From Yemen an Ethiopia Bring wat dey owe Fo show he da boss fo dem.

Songs 76:11

Do da tings fo yoa God, Da One In Charge, Dat you guys wen make One promise to him fo do. All da nations dat stay aroun Jerusalem, Bring presents fo da One Dey gotta respeck.

Outa Egypt 3:8

Az why now, I come hea fo get my peopo outa dea, fo da Egypt guys no make any kine no moa. I goin bring um outa dat land to one good land wea get plenny room fo erybody, an ery place get plenny milk an honey. I stay talk bout da place wea da Canaan peopo, da Het peopo, da Amor peopo, da Periz peopo, da Hiv peopo, an da Jebus peopo live now.

Smart Guys 17:18

Da kine guy dat no mo brain, He shake hand wen he make one deal, An make one promise fo pay Eryting dat some odda guy owe.

Smart Guys 18:16

Wen you give one present to importan peopo, Make um easy fo talk to dem layta, An help you come tight wit dem.

Smart Guys 19:6

Plenny peopo try make nice nice to all da alii guys, An erybody like come fren wit da guys dat give um one present.

Smart Guys 21:14

Wen somebody stay huhu wit you, Give um one present, But no tell nobody, Den da one stay huhu, Goin come so notting bodda him. Peopo put unda da table kine money Inside da odda guy pocket, Fo make da odda guy no stay mad no moa.

Love Song 4:10

Az real awesome, wen you make love to me, my bride! You da one I love! I feel mo good inside wen you make love to me, Cuz az mo betta den wen I drink wine. Yoa perfume smell mo betta den any kine spices.

Love Song 4:14

You jalike nard an saffron spice, Calamus dat smell nice an cinnamon, Wit all kine trees fo make incense, Myrrh an aloe, An all da bestes kine spices!

Love Song 8:14

You da one I love! Go come! We go way togedda real fas! Run jalike one young deer On top da mountain wea da spice bushes grow!

Jeremiah 8:22

Fo shua, Gilead side get medicine An docta ova dea! Cuz da peopo I love stay hurt. So, how come no mo nobody fo make um feel good?!”

Ezekiel 27:15

Da guys from Rhodes make trade wit you guys, an da peopo from plenny islans an coast towns buy stuff from you guys too. Dey pay you wit ivory an ebony wood.

Ezekiel 27:17

Da Judah peopo an da North Side Israel peopo trade stuffs wit you Tyre peopo. Dey trade da wheat from Minnit, an da sweet stuff, honey, olive oil, an lotion you get from da tree sap fo yoa stuffs.

Ezekiel 27:22

Da peopo from Sheba an Raamah trade stuff wit you. Dey trade da bestes kine spice, an da kine jewelry dat cost plenny, an gold wit you.

Prieses 20:24

But I tell you guys, ‘You guys goin take ova dea land, an you guys goin own um. Az one land dat get plenny milk an honey.’ I yoa God, Da One In Charge. I make you guys diffren den all da odda peopos.

Jesus Guys 21:14

Us no can make Paul stay, az why we pau try change his mind. An we tell, “Wat Da One In Charge like, dass wat goin happen.”

Rules Secon Time 33:14

I like da land get da bestes stuff da sun make grow, An da bestes stuff dat come up ery month,

1 Samuel 25:27

So, my boss, I stay bring you dis present! I like you give um to yoa guys dat stay tight wit you wea eva you go.

1 Samuel 9:7

Saul tell da worka guy, “If we go, wat we can take fo give him? No mo food inside oua bag awready! Us no mo present fo give da guy dat know God. Wat we get, hah?”