Start 41:41 - Hawaii Pidgin Bible

⁴¹ Da Pharaoh guy tell Joseph dis too: “You stay in charge now. I turning ova to you eryting inside Egypt land.”

Start 41:41 ပူးပေါင်းရင်းမြစ်များ

Start 39:22

Da guy put Joseph in charge a all da odda prisona guys dat stay dea. Cuz a Joseph, eryting come out good inside da jail.

Start 39:5

From da time da Egypt guy put Joseph in charge, Joseph God, Da One In Charge, make eryting come out real good, inside da house, inside da fields, an eryting Potifar own cuz a Joseph.

Start 41:44

Da Pharaoh guy tell Joseph dis too: “I da king fo Egypt, an I tell you dis: all ova dis land, nobody goin move dea hand o dea feet, till you tell um dass okay!”

Start 42:6

Dat time, Joseph was da guy in charge a all da land, Egypt side. Was him dat stay sell da food to all da peopo inside dat land. Joseph braddah guys go by him, an dey go down in front him, an put dea face on top da groun fo show um respeck.

Start 45:8

Az why no was you guys dat wen sen me ova hea. Was God! He make me jalike I one faddah guy fo da king, dass da Pharaoh guy. I da boss fo all his ohana peopo, an I stay in charge a da whole Egypt land.

Esther 10:3

Mordecai da Jew stay da numba two guy to King Xerxes. Mordecai one real importan man wit da Jews. All da Jews get plenny respeck fo him, cuz he work plenny fo his peopo stay okay. He talk to da govmen fo make eryting come good fo all da odda Jews, cuz dey come from his peopo too.

Songs 105:21

Den da king put Joseph In charge a his govmen An all da stuffs he get.

Smart Guys 17:2

Wen one akamai guy come one slave fo one ohana, An if one a da boys from dat ohana make shame fo dem, Da slave guy goin come da boss fo dat boy. Wen da faddah guy mahke, Dat slave guy goin get da same kine share Jalike da odda boys, From wat da faddah leave.

Smart Guys 22:29

Wen you spock somebody Dat know how fo do his work real good, Dat guy, goin work fo da king guys, Not fo da kine guys dat nobody know.

Teacha 4:14

Maybe da young guy come outa prison an layta come da king. O maybe da one dat born fo come king no mo notting, but still yet he come king.

Daniel 2:48

Den da king wen make Daniel one real importan guy an give him plenny present. He make Daniel da main leada guy ova all da Babylon districk, an put him in charge a all da smart guys Babylon side.

Daniel 6:3

Da guy Daniel, he come mo betta den all da odda supavisa guys an govna guys. An cuz inside him, he stay real good, da king make one plan fo put Daniel in charge a da whole land wea he stay king.

Matthew 28:18

Den Jesus go nea dem an tell, “God give me all da powa fo me stay in charge a eryting all ova da world an inside da sky.

Jesus Guys 7:10

God take him outa all da trouble he stay in. He make him know wat fo do erytime, an help him. Da king fo Egypt, da Pharaoh guy, he figga Joseph one good guy. So Pharaoh make him da leada fo da Egypt land an all his palace.