Start 4:9 - Hawaii Pidgin Bible

⁹ Afta dat, Da One In Charge aks Cain, “Wea yoa braddah Abel? Wea he stay?” Cain tell um, “I donno. You tink I da guy suppose to take kea my braddah an watch wea he go, o wat?”

Start 4:9 ပူးပေါင်းရင်းမြစ်များ

Start 37:26

Den Judah tell his braddah guys, “Eh! If us guys go kill oua braddah Joseph, an den cova ova wat we do, you guys figga somebody goin pay us fo do dat? No way!

Start 37:32

Den dey sen somebody by dea faddah Jacob wit da fancy robe fo tell him, “Us guys wen find dis ova dea. Try check out da robe. Dis yoa boy robe, o wat?”

Start 4:10

Da One In Charge tell, “Wat you wen do?! You wen murda yoa braddah, an now, his blood stay ova dea on top da groun, jalike he stay call out to me fo pay you back.

Songs 9:12

Wen peopo dat suffa but no can do notting Yell to Da One In Charge fo help, He lissen, an he no foget. Dass why he go afta da ones dat kill his peopo.

Songs 9:13

Eh! You Da One In Charge! Give me chance! Look how da guys dat stay agains me make me suffa! Bring me back up from da Mahke Peopo Place!

Smart Guys 28:13

Whoeva do stuff agains God, An den try fo cova up wat dey wen do, Garans stuff no goin come out good fo dem. Whoeva do stuff agains God, But den dey tell God dey wen do wass wrong, An no make lidat no moa, God give dem chance.

John 8:44

“You guys come from yoa faddah, da Devil! You guys like do da kine stuff he like do. From da start, he like kill peopo. He no like da trut, cuz no mo notting true inside him. He erytime bulai, cuz dass wat he like do. He da firs guy eva wen bulai, cuz dass how he stay.