Start 4:14 - Hawaii Pidgin Bible

¹⁴ So den, today you goin throw me outa da land an no let me work da groun no moa, an no let me stay by you, aah?! I gotta jus go hide! Goin be lidis: I gotta jus go one place inside dis world to anodda, an anybody dat meet me, bumbye dey like kill me!”

Start 4:14 ပူးပေါင်းရင်းမြစ်များ

Start 3:24

Afta God throw um out, he put spesho angels watcha tings dat stay alive ova dea on da east side a da place he wen plan, Eden side. He put one sword dea too, wit fire dat come out, an dat move all aroun fo nobody go nea da Tree Dat Make You Live Foeva.

Start 4:13

Cain tell Da One In Charge, “Da way you stay punish me, mo plenny den I can handle!

2 Samuel 14:7

But you know wat? All da ohana stay agains me. Dey tell, ‘Give us da boy dat wen kill his braddah, fo us kill him fo pay back da life he wen take away from his braddah! Az how we goin wipe out da one dat suppose to get eryting da faddah wen leave, too.’ Dey goin kill da ony boy I get, jalike dey goin pio da las burning coal I get fo make fire tomorra! No goin get nobody inside dis world dat goin carry my mahke husban name!”

Songs 109:10

Make his kids go all ova da place Fo beg fo money. Bus up dea house, Den chase dem away from dea.

Songs 109:12

No let nobody make nice to him O do good tings fo his kids Afta dey no mo faddah.

Songs 143:7

Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Smart Guys 14:32

Da bad kine peopo, Dey goin get wipe out, Wen dey do bad kine stuff. Da peopo dat do da right ting erytime, Even wen dey goin mahke No mo notting goin hurt dem.

Smart Guys 28:1

Da bad guys, dey run away Jalike somebody stay chase um, No matta no mo nobody chase um. But da peopo dat stay do wass right, Dey stay shua dey stay okay, Jalike one lion dat no sked notting.

Isaiah 8:22

Dey goin look at da land, but dey ony see hard time dey goin get ova dea, jalike one dark time dat goin come, jalike da peopo get plenny presha an no can see notting, jalike somebody goin throw um all outside, inside da dark.

Jeremiah 52:3

Cuz a dat, Da One In Charge come real huhu wit da Jerusalem peopo an da Judah peopo. So he throw dem outa da place he stay. Den Zedekiah fight fo no let da Babylon king stay in charge a da Judah peopo.

Hosea 13:3

Az why dey goin disappea fas, Jalike da clouds, morning time. Jalike da dew dat come out early an den go way. Jalike da junk kine stuff dat da wind blow way from da wheat an barley. Jalike da smoke dat go outa one window.

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Prieses 26:36

“An fo all you peopo dat still yet stay alive dea, you guys goin stay inside da lands a da peopo dat stay agains you guys, an I goin make you guys stay sked ova dea. Wen da wind blow one leaf, an you guys hear um, goin make you guys so sked, you goin run away. You goin run jalike somebody stay chase you wit one sword, an you goin fall down, even wen nobody stay chase you.

Census 35:19

Da one from da mahke guy ohana dat get da kuleana fo pay back da killa guy, he can kill um wen he meet um.

Census 35:21

o if he wack him wit his fis an he mahke, dat guy gotta mahke. He one killa guy. Da one from da mahke guy ohana dat get da kuleana fo pay back da killa guy, he can kill um wen he meet him.

Census 35:27

an if da guy dat get da kuleana fo kill him find him outside dat town, dat guy can kill him an no goin get da blame fo um.

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Matthew 25:46

“Den wen da bad guys mahke, dey goin get punish foeva! But da guys dat erytime do da right ting, dey goin live to da max foeva!”

Rules Secon Time 28:64

“Den Da One In Charge goin make you guys go all ova wea diffren peopos stay, from one side a da world to da odda side. Wen you go dea, you guys goin go down in front odda gods, da kine gods dey make from wood an stone. You guys an yoa ancestas neva know dat kine gods befo time.

Rules Secon Time 28:65

Ova dea wit dose peopos you guys no can res. You no goin find one place fo res da bottom a yoa feets. Da One In Charge goin make you guys stay all bodda inside! Yoa eyes no goin see good cuz you wait long time, an you goin lose fight.

2 Tessalonika 1:9

God goin punish dem, an wipe dem out to da max foeva. No way dey goin stay wit Da One In Charge. No way dey eva goin see da awesome kine tings he get da powa fo do.