Start 4:12 - Hawaii Pidgin Bible

¹² Wen you try fo work da groun, da groun no goin give you back notting good. You no goin get one place fo live. From now, you gotta jus go from one place inside dis world to anodda place!”

Start 4:12 ပူးပေါင်းရင်းမြစ်များ

Start 4:13

Cain tell Da One In Charge, “Da way you stay punish me, mo plenny den I can handle!

Start 4:14

So den, today you goin throw me outa da land an no let me work da groun no moa, an no let me stay by you, aah?! I gotta jus go hide! Goin be lidis: I gotta jus go one place inside dis world to anodda, an anybody dat meet me, bumbye dey like kill me!”

Songs 107:34

God make da kine land dat grow plenny fruits Come all mud, Cuz da peopo dat live dea do bad kine stuff.

Songs 109:10

Make his kids go all ova da place Fo beg fo money. Bus up dea house, Den chase dem away from dea.

Smart Guys 28:17

Wen one guy kill anodda guy, Goin bodda da killa guy, till he mahke. An no good, odda peopo try fo kokua him.

Hosea 9:17

God tell “Laytas” to da Israel peopo Cuz dey no goin lissen him. Dey goin go from one nation to anodda nation, Cuz dey donno wea dey stay goin live.

Joel 1:10

Wasted da fields, An poho da groun. Da wheat an barley stay all wasted. Da juice fo make wine all dry up. No good, da olive oil.

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Prieses 26:20

You guys goin bus ass fo notting, cuz yoa land no goin grow notting, an da trees on top yoa land no goin give fruits.

Prieses 26:36

“An fo all you peopo dat still yet stay alive dea, you guys goin stay inside da lands a da peopo dat stay agains you guys, an I goin make you guys stay sked ova dea. Wen da wind blow one leaf, an you guys hear um, goin make you guys so sked, you goin run away. You goin run jalike somebody stay chase you wit one sword, an you goin fall down, even wen nobody stay chase you.

Rome 8:20

All da tings God wen make goin come hamajang an stay lidat. Not suppose to be lidat, but God let um be lidat cuz bumbye he goin make all dat stuff come good one mo time.

Rules Secon Time 28:15

“But all da kahuna goin go on top you guys, if you guys no lissen wat yoa God, dass Da One In Charge, tell, if you no make shua you stick wit all da stuff an da rules I tell you guys today fo do. If you no do um, den all dis kahuna goin come on top you guys an make you guys lose fight.