Start 39:21 - Hawaii Pidgin Bible

²¹ Da One In Charge, he stay tight wit Joseph inside dea too, an take kea him. Da One In Charge even make da guy in charge a da jail like Joseph plenny.

Start 39:21 ပူးပေါင်းရင်းမြစ်များ

Start 21:22

Had one time, King Abimelek an his main army guy Pikol come fo talk wit Abraham. Abimelek tell Abraham, “Eryting you do, God stay wit you an he help you.

Start 39:2

Dass how come Joseph stay Potifar house, cuz Potifar wen buy him. Da One In Charge, he stay tight wit Joseph an help um come one good worka fo Potifar.

Start 39:3

Da owna guy Potifar see dat, an know dat Da One In Charge stay make Joseph so eryting he do come good.

Start 39:4

Az why Potifar like Joseph plenny. He make Joseph his right hand guy. He put um in charge a eryting inside da house dea, an eryting he get.

Start 40:3

So da Pharaoh guy turn dem ova to da guy in charge a da army guys dat kill prisonas, fo keep da two guys inside da prison. Was da same prison wea Joseph stay inside.

Songs 105:19

Laytas, Joseph tell bout someting Dat goin happen bumbye, An da ting happen. Da ting Da One In Charge Wen tell Joseph Show proof dat Joseph tell da trut.

Songs 105:22

Az how Joseph get powa Ova da king helpa guys, Fo do howeva he like. He teach da older guys Dat work fo da king Fo know wat dey gotta do.

Songs 106:46

Fo all da diffren nations Dat wen take his peopo Away from da Israel land, Da One In Charge make dem Feel pity fo his peopo.

Outa Egypt 11:3

Dat time, Da One In Charge make da Egypt peopo tink real good bout da Israel peopo. An da palace guys dat work fo da Pharaoh guy, an all da odda Egypt peopo, dey see dat Moses one importan guy inside da Egypt land.

Outa Egypt 12:36

Da One In Charge, he make da Egypt peopo tink real good bout da Israel peopo, so da Egypt peopo give da Israel peopo eryting dey aks fo give dem. Dass how da Israel peopo get stuff from da Egypt peopo.

Outa Egypt 3:21

Dat time, I goin make da regula Egypt peopo tink you Israel peopo da greates. Wen you go way, dey goin make shua dat you guys get plenny stuffs. So wen you guys go, you no goin go wit notting.

Smart Guys 16:7

Wen Da One In Charge like da way you live, Even wen peopo stay agains you, Da One In Charge goin make dem tink diffren bout you So eryting goin come good wit you an dem.

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

Daniel 1:9

God awready wen make Ashpenaz, da guy in charge, come tight wit Daniel, an he show him pity.

Daniel 6:22

My God wen sen his angel messenja guy fo make da lions no bite me. Dey no touch me notting, cuz God see me dat I neva do notting wrong. An I neva do notting wrong to you too, King Darius.”

Rome 8:37

Cuz Christ get love an aloha fo us guys to da max, no matta wat kine trouble get, dat no bodda us, cuz we da winnas fo shua!

1 Peter 3:17

Mo betta you guys suffa fo do da right ting den fo do da bad ting, if dass how God like you suffa.