Start 39:12 - Hawaii Pidgin Bible

¹² Potifar wife go grab his shirt an tell, “We go lay down togedda now!” But Joseph, he run away outside da house. But his shirt come off, an Potifar wife still get um in her hand.

Start 39:12 ပူးပေါင်းရင်းမြစ်များ

Start 39:10

Ery day, she talk to Joseph lidat fo try make um lay down wit her o hang out wit her. But Joseph no lissen, an try fo no go nea her.

Start 39:11

But had one time, Joseph go inside Potifar house fo work. Da odda worka guys, dey no stay dea, dat time.

Start 39:13

Da wahine see dat Joseph run away outside from inside dea, but she get da shirt wit her.

Start 39:8

But Joseph, he no like. He tell, “No way! Cuz my boss put me in charge a eryting in da house. He trus me wit eryting he own.

2 Samuel 13:11

But wen she take um by him fo him eat, he grab her, an tell, “Eh, my sistah! Go come, we go make da kine!”

Smart Guys 1:15

An I tell my boy no hang out wit dis kine peopo! You jus tell um no way, brah! No go wit dem an do stuff da way dey do um!

Smart Guys 5:8

You betta stay away from dat kine wahine! No even go nea da door by da place wea she stay.

Smart Guys 6:5

You betta run away from da deal, Jalike da deer run away from da hunta guy An da bird fly away from da trap da hunta guy wen put.

Teacha 7:26

I find out dat wen get one wahine dat like make one trap, Dass mo worse den fo mahke. She tink how fo trap you, If she put her arms aroun you, Goin be jalike you stay tie up wit chains. Da kine guy dat make God stay good inside Goin bag from her. But she goin catch da guy dat do bad kine stuff.

1 Corint 15:33

Eh! No go tink da wrong way lidat! Jalike dey tell, “You hang out wit da bad kine guys, dat goin jam you up fo you no be one good guy!”

2 Timoty 2:22

Eh Timoty! Watch out! No be like da younga guys, da way dey come jam up cuz dey like do any kine stuff. Mo betta you go all out fo do da right ting erytime, fo trus God, fo get love an aloha, an fo stay so notting bodda you. All da peopo dat tell God dey his guys, an dat stay clean inside, dey like do da right ting erytime—so you gotta make jalike dem.

1 Peter 2:11

My frenz, you guys no stay kamaainas ova hea an you stay hea ony short time. Az why I stay beg you guys fo no do da bad kine stuff yoa body tell you fo do. Inside you, da bad kine stuff stay fight you.

1 Samuel 15:27

Samuel turn aroun fo go. Saul grab his robe, an one piece a da robe broke off.