Start 37:9 - Hawaii Pidgin Bible

⁹ Den anodda time, Joseph get anodda dream. He tell his braddah guys wat he wen dream. He tell: “You know wat I wen dream? Had da sun, da moon, an eleven stars. Dey all stay go down in front me fo show me respeck.”

Start 37:9 ပူးပေါင်းရင်းမြစ်များ

Start 20:3

But one nite, God go by Abimelek an make um dream. Inside da dream God tell um, “You know wat you stay do? You mahke awready, cuz you wen take dat wahine Sarah, an she get husban awready.”

Start 37:10

Dis time, Joseph tell his faddah too, not ony his braddah guys. Da faddah Jacob scold Joseph. He tell um, “Wat dream you stay talking bout? You tink dass fo real, me an yoa muddah an all yoa braddah guys, bumbye we all goin go down in front you jalike you somebody importan, o wat?”

Start 37:7

All us guys was outside, inside da wheat field. Us was tying up da wheat plants we wen harves. An you know wat? Da wheat plants I wen tie, go stan up! Den da odda wheat plants you guys wen tie, make circle aroun mines, an go down in front my wheat fo show um respeck!”

Start 37:8

Da braddah guys tell um, “Wot! You tink you goin come king ova us guys? You tink you goin tell us guys wat we gotta do?” Cuz a da dream, an cuz a wat Joseph stay tell um, dey hate um mo plenny den befo time.

Start 41:25

Joseph tell da Pharaoh guy, “Da two dreams mean same same! God stay tell you wat he goin do.

Start 41:32

An one mo ting. You wen get da same dream two time. Dat mean dat da ting God tell, garans goin happen. An he goin do um real soon now!

Start 42:6

Dat time, Joseph was da guy in charge a all da land, Egypt side. Was him dat stay sell da food to all da peopo inside dat land. Joseph braddah guys go by him, an dey go down in front him, an put dea face on top da groun fo show um respeck.

Start 43:26

Den Joseph come home. Dey bring inside da house da present dey get fo him. Den dey go down in front him on top da groun fo show respeck.

Start 43:28

Dey tell um, “He stay good, oua faddah guy, an he like come yoa worka guy. He still stay alive.” An dey go down on top da groun one mo time fo show um respeck.

Start 44:14

Joseph, he still dea inside his house. Judah an da odda braddah guys, dey go inside, an real fas dey go down on top da groun in front Joseph fo show um respeck.

Start 44:19

Eh boss, befo time, you wen aks us dat stay yoa slave guys, ‘You guys, you get faddah? you get braddah?’

Start 45:9

“Az why go hurry up! Go back by my faddah. Tell um dat his boy Joseph tell dis: ‘God wen make me da boss fo da whole Egypt land. So come by me, no wait!

Start 46:29

Joseph tell his guys fo tie his horses to his fancy horse wagon. Den he go Goshen fo meet his faddah Israel. Joseph look Israel, hug um plenny, an cry long time.

Start 47:12

Joseph even take kea his faddah an his braddah guys, an all da ohana peopo dat come from his faddah. He give um food ova an ova fo dem no mahke.

Daniel 8:10

Da new horn grow, an reach all da way up to wea can beef da army inside da sky. Den da horn throw down some a da sky army an some a da stars on top da earth, an poun his feet on top um.

Census 12:6

He tell, “Lissen wat I tell! ‘If get one a you guys Dat talk to yoa peopo fo me, Da One In Charge, Da way I make dat guy know az me, I make him see someting. I talk to him in his dreams.

Philippi 2:15

Den nobody can poin finga you guys cuz you guys ony do good kine stuff. Fo real, you guys God kids! Erybody all aroun you guys stay crooked an all jam up. But you guys, you diffren. You erytime do wass right, hea inside da world. Dass jalike da stars dat shine no matta stay dark all ova.