Start 37:35 - Hawaii Pidgin Bible

³⁵ All Jacob odda kids, guys an wahines, go by him fo try help um come good inside. But he no like lissen dem. He tell, “No way. Bumbye wen I go down da Mahke Peopo Place, I still goin stay cry fo my boy.” An he stay sad inside lidat, long time.

Start 37:35 ပူးပေါင်းရင်းမြစ်များ

Start 25:8

Abraham get eryting he like, an he feel good inside. He live uku plenny year an he stay good inside. Den he mahke. He go da same place his ancesta guys wen go.

Start 31:43

Den Laban tell Jacob dis: “Kay den. Da wahines, dey my daughtahs. Da kids, dey my grankids. Da sheeps an goats, dey my sheeps an goats. Eryting you see, mines. But wat? I no can do notting now bout my daughtahs, an da kids dey wen born.

Start 35:29

Den Isaac mahke afta dat an go da place wea his ancesta peopo stay. Isaac boys, Esau an Jacob, dey bury Isaac.

Start 42:31

But us guys tell um, ‘Us guys no lidat! Us guys not bulaia guys! Us not spies!

Start 42:38

But Jacob tell um, “No way. My boy no goin go wit you guys. His braddah, mahke awready. He da ony one dat stay from Rachel. If someting bad happen to him ova dea, fo shua you guys goin make me come real plenny sore inside, an you goin make my gray hair go down da Mahke Peopo Place!”

Start 45:28

Israel talk (dass Jacob, you know): “Nuff awready! My boy Joseph, he still stay alive! I goin go see him befo I mahke!”

Start 48:11

Den Israel tell Joseph, “Befo time I figga I no goin see you one mo time. But look! Now God let me see you, an even yoa kids too!”

2 Samuel 12:17

Da older palace leada guys stan by his side fo try get him up from da groun, but he no like. An he no eat wit dem.

2 Samuel 12:23

But now, he mahke. Az why no need skip food fo pray! I no can bring da bebe back one mo time. Me, I goin go by him bumbye, but he no goin come back by me.”

2 Samuel 19:1

Somebody tell Joab, “Da king stay cry an stay sad inside cuz a Absalom.”

1 Records 7:22

Dea faddah Efraim stay sad inside long time cuz a dem. His ohana come fo make him stay good inside.

Job 2:11

Job get three frenz, Elifaz from Teman, Bildad from Shuh, an Zofat from Naamat. Dey wen hear bout all da trouble dat wen come on top Job. So dey go from dea houses, an meet. Den dey go togedda fo show Job dey sorry, an make him feel mo betta.

Songs 77:2

Wen I get hard time, I pray to my Boss Fo him show me wat I gotta do. All nite, I put up my hands fo pray, An no come tired. But inside, I no can res.

Songs 77:3

I tink bout God, an I moan. I tink plenny bout stuff, An jalike I pass out inside. (Time out fo da music.)

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Jeremiah 31:15

Dis wat Da One In Charge tell too: “I hear one voice from inside Ramah town. Somebody dea stay sad inside an cry. Jalike Rachel stay cry real hard fo da peopo dat come from her. She no let nobody tell her nice kine stuff bout her ohana. Cuz dey no stay no moa.”