Start 37:10 - Hawaii Pidgin Bible

¹⁰ Dis time, Joseph tell his faddah too, not ony his braddah guys. Da faddah Jacob scold Joseph. He tell um, “Wat dream you stay talking bout? You tink dass fo real, me an yoa muddah an all yoa braddah guys, bumbye we all goin go down in front you jalike you somebody importan, o wat?”

Start 37:10 ပူးပေါင်းရင်းမြစ်များ

Start 27:29

Plenny odda peopos goin work fo you, Odda nations goin go down in front you fo show respeck. Go come da boss fo all yoa braddah guys. Da odda boys yoa muddah wen born goin go down in front you fo show respeck. Da ones dat tell dey like bad tings happen to you, God goin make bad tings happen fo dem! Da ones dat tell dey like good tings happen fo you, God goin make good tings happen to dem!”

Start 37:7

All us guys was outside, inside da wheat field. Us was tying up da wheat plants we wen harves. An you know wat? Da wheat plants I wen tie, go stan up! Den da odda wheat plants you guys wen tie, make circle aroun mines, an go down in front my wheat fo show um respeck!”

Start 37:9

Den anodda time, Joseph get anodda dream. He tell his braddah guys wat he wen dream. He tell: “You know wat I wen dream? Had da sun, da moon, an eleven stars. Dey all stay go down in front me fo show me respeck.”

Start 43:26

Den Joseph come home. Dey bring inside da house da present dey get fo him. Den dey go down in front him on top da groun fo show respeck.

Start 43:28

Dey tell um, “He stay good, oua faddah guy, an he like come yoa worka guy. He still stay alive.” An dey go down on top da groun one mo time fo show um respeck.

Start 44:14

Joseph, he still dea inside his house. Judah an da odda braddah guys, dey go inside, an real fas dey go down on top da groun in front Joseph fo show um respeck.

Isaiah 60:14

Get peopo befo time Dat wen make any kine to you guys, Dea kids goin come by you guys An go down in front you guys. Erybody dat wen ack jalike dey tink you no good, Dey goin go down on top da groun by yoa feets. Dey goin call yoa town, ‘Da One In Charge Town, Zion Town, Da Town Fo Da One Dat Stay Good An Spesho fo da Israel peopo.’