Start 35:4 - Hawaii Pidgin Bible

⁴ So da peopo give Jacob all da idol gods from anodda place dat dey get wit dem in dea house, an da rings from dea ear. Jacob bury all dat stuff unda da big tree dat stay nea Shekem.

Start 35:4 ပူးပေါင်းရင်းမြစ်များ

Start 12:6

Den Abram dem start fo go from one side Canaan land to da odda side. Dey come one place, Shekem town. Get one real big tree dea at Moreh, an dey stay dea. Da Canaan peopo dat live ova dea awready go Moreh fo find out wat dea gods like dem fo do.

Start 35:3

We goin go Bethel side now. I goin make one altar ova dea fo God. He da God dat lissen me, dat time I presha out. Ery place I stay go, dat God stay wit me.”

Start 35:5

Wen Jacob dem start fo go way from Shekem, God make da peopo inside all da odda towns aroun dea come real sked. Az why dey no go afta da Jacob ohana peopo fo kill um.

Outa Egypt 32:20

An den Moses take da idol god dey wen make, dat look jalike one bebe bull, an he burn um up. Den he poun up da gold an make um jalike powda. He mix um wit watta an make da Israel peopo drink da watta dat get da powda inside.

Isaiah 2:20

Dat time, da idol kine gods Dat da peopo wen make from silva an gold Fo go down an show um respeck, Dey goin throw um all away To da bats an da rats.

Isaiah 30:22

Den you guys goin make pilau yoa idol kine gods, Even da kine dat get silva an gold all ova. You goin throw um away Jalike one pilau kine rag. You goin tell da idol kine gods, “Get away from hea!”

Hosea 2:13

I goin punish her fo all da times She go burn incense fo da Baal idols. She put on plenny rings an jewelry. She go wit da guys dat make sex wit her, But she foget bout me.” Az wat Da One In Charge tell.

Rules Secon Time 7:25

You guys goin burn up dea idol kine gods inside da fire. No make jalike you like take da silva o gold on top da idols, an no take dat fo you. Cuz all dat kine stuff no good, an can catch you guys jalike az one trap. Fo yoa God, Da One In Charge, all dat kine stuff pilau.

Rules Secon Time 7:5

“Az why dis wat you guys gotta do to dem: Broke down dea altars, smash da big kapu stones dey put up fo da Baal god, cut down da kapu poses dey put up fo da Asherah wahine god, an burn up dea idol kine gods inside da fire.

Local Leadas 9:6

Den all da men guys inside Shekem an Bet-Millo come togedda by da side a da big oak tree an da big stan up stone inside Shekem, fo make Abimelek dea king.