Start 35:3 - Hawaii Pidgin Bible

³ We goin go Bethel side now. I goin make one altar ova dea fo God. He da God dat lissen me, dat time I presha out. Ery place I stay go, dat God stay wit me.”

Start 35:3 ပူးပေါင်းရင်းမြစ်များ

Start 28:15

So you know wat? I stay wit you. I goin take kea you, ery place you goin go. Bumbye I goin bring you back hea, dis land. I no goin leave you behind. I make dis promise: I goin do eryting dat I tell you I goin do.”

Start 31:3

Den Da One In Charge tell Jacob, “Time awready fo you go back yoa ancesta guys land wea yoa ohana guys stay. I goin stay wit you.”

Start 31:42

“But da God dat my faddah pray to, dass da God fo Abraham too. He da One dat make Isaac sked an shaking cuz he so awesome. He stay wit me. If he neva stay wit me, you no give me notting, an tell me fo go way. But God, he see da real hard time I get, an da real hard work I do. Las nite, wat he tell you wass right, cuz he da Judge.”

Start 32:24

He da ony guy dat stay dea. Had one guy dea dat come an wresso wit Jacob all nite till start fo come litto bit light.

Start 32:7

Jacob come plenny sked. Bodda him plenny. Az how come he tell half da peopo dat wit him fo camp out one side, an he tell da odda half fo camp out da odda side, an same ting wit da sheeps an goats, da cows an da camels.

Start 35:4

So da peopo give Jacob all da idol gods from anodda place dat dey get wit dem in dea house, an da rings from dea ear. Jacob bury all dat stuff unda da big tree dat stay nea Shekem.

Start 35:7

Jacob make one altar dea. He call da altar place El-Bethel, dat mean “Da God Dat Stay Bethel Side,” dea language. Az cuz dass da same place God show up fo Jacob see um, da time Jacob wen run away from his braddah.

Start 48:15

Den Israel tell God fo take kea Joseph, lidis: “I like tell dis bout God: My granfaddah Abraham an my faddah Isaac, Dey wen live da way God tell dem fo live In front God. Dass da God dat take kea me Jalike one sheep guy take kea his sheeps, From da time I born till now.

Songs 107:6

Da peopo wen yell to Da One In Charge Fo him help dem, Cuz was real hard fo dem, An he get um outa trouble.

Songs 107:8

Good, dose peopo tell good tings Bout Da One In Charge, Cuz he stay tight wit his peopo, An cuz he do Awesome kine stuff fo erybody.

Songs 46:1

God, he jalike one place Fo us guys go hide. He make us guys stay strong Fo notting bad happen. Wen get all kine trouble, God stay ready Fo help us guys plenny.

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Smart Guys 3:6

Wateva you do, tink bout God an wat he like you fo do, Den he goin make shua notting goin jam you up.

Isaiah 30:19

Cuz you peopo dat live inside Jerusalem town, You no goin cry no moa. Wen you guys yell to Da One In Charge fo help you, He goin do um. Fo shua he goin do good tings fo you. He goin hear you guys, An right den an dea he goin help you.

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

1 Samuel 10:3

“Den you goin go from dea, till you go by da big oak tree Tabor side. Three guys dat go up fo make sacrifice fo God Bethel side, dey goin meet you ova dea. One guy get three young goats wit him, anodda guy get three breads, an anodda guy get one sew up goat skin bag wit wine inside.