Start 35:16 - Hawaii Pidgin Bible

¹⁶ Afta dat, Jacob dem go way from Bethel. Befo dey come nea to Efratah town, Rachel stay ready fo born anodda bebe, but she get hard time.

Start 35:16 ပူးပေါင်းရင်းမြစ်များ

Start 3:16

Den God tell da wahine dis: “You! Wen you born kids, I goin make um so you hurt plenny wen you born um. Goin come real sore fo born kids! Still yet, you goin like stay wit yoa husban, An him, he goin be in charge a you.”

Start 35:19

Rachel mahke an dey bury her nea da road dat go by Efratah town, dass Betlehem.

Start 48:7

Dat time I stay come back from Paddan-Aram, yoa muddah Rachel wen mahke inside da Canaan land nea Efrat. I wen come sore inside, an I wen bury her ova dea on da side by da Efrat road.” (Efrat, dass da ol name fo Betlehem, you know.)

2 Kings 5:19

Elisha tell, “Go, an I like Da One In Charge take kea eryting fo you.” So Naaman go, but he no go far yet.

1 Records 2:19

Wen Azubah mahke, Caleb marry Efrat. She wen born Hur fo Caleb.

Songs 132:6

Us guys wen hear wat David like do, Wen we stay Efratah side, An we wen find da Box Fo No Foget Da Deal Wit God, Wen we go nea Kiriat-Jearim.

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Matthew 2:1

Jesus, he born Betlehem town, Judea side. Herod, he da king dat time. An you know wat? Had dese smart guys dat know plenny bout da stars. Dey come Jerusalem town from one far place, from da east side. Dey tell,

Matthew 2:16

King Herod, he find out dat da guys dat know plenny bout da stars trick him, an he come real wild. He sen his army guys an tell um, “Go inside Betlehem an all da odda place ova dea, an kill all da small boys.” Dey kill all da boys two year ol an mo younga. Herod figga dat time, cuz da guys dat know plenny bout da stars wen tell him wat time da star show up firs time.

Matthew 2:18

“Dey hear one voice from inside Ramah, Rachel, she stay cry real hard, She real sore inside, An cry fo her kids, She no like nobody come by her, Cuz da kids mahke awready.”

1 Timoty 2:15

But wen da wahines born bebes, dey goin come out okay, if dey stay trus God, an show love an aloha fo erybody, an stay good an spesho fo God, an tink da right way.

Ruth 4:11

Da older leada guys fo da town, an all da peopo dat stay by da main gate wea da peopo stay come togedda, dey tell, “Dass right! All us guys see wat happen, an we gotta tell erybody. “Dis wahine dat goin come inside yoa house, Us like Da One In Charge make her come Jalike da wahines Rachel an Leah, Da two wahines all us Israel peopo come from! An you, Ruth, come rich wit da Efratah ohana, So erybody know who you, Betlehem town!

1 Samuel 10:2

Wen you go way from me today, you goin meet two guys nea da grave wea Rachel stay bury, by Zelzah, on da borda fo da Benjamin land. Dey goin tell you, ‘Da donkeys you wen go out fo find, somebody find um awready. Now yoa faddah pau tink bout da donkeys, an he worry bout you. He stay aks, “Wat I goin do bout my boy? Wea he stay?” ’

1 Samuel 4:20

an her litto mo mahke. Da wahines dat stay help her tell, “No sked! You wen born one boy kine bebe!” But her, no talk o lissen notting.