Start 35:1 - Hawaii Pidgin Bible

¹ Bumbye, God tell Jacob, “Go move house Bethel side. Live ova dea. Make one altar dea fo pray to me. I da same God dat wen show up inside one dream, da time you wen run away from yoa braddah Esau.”

Start 35:1 ပူးပေါင်းရင်းမြစ်များ

Start 12:8

From dea, Abram dem go mo down inside da Canaan land. Dey go up country, da east side from Bethel town. Dass da place dey put up dea tents: da west side get Bethel, an da east side get Ai. Same ting jalike da odda place, Abram pile up rocks fo make one altar fo Da One In Charge. He make one sacrifice dea too, an he tell Da One In Charge, “Eh! I like you help me, cuz I know wat kine god you.”

Start 16:8

He tell, “Eh! You Hagar, da slave dat work fo Sarai. Wea you stay come from? An wea you goin go?” Hagar tell um, “I stay running away from Sarai, da lady I work fo.”

Start 22:14

Abraham give dat place da name Da One In Charge See Um. Dass mean, “Da One In Charge See Wat I Need An Give Me Dat.” Nowdays peopo still yet tell: “On top da mountain wea Da One In Charge stay, God see wat we need an give us dat.”

Start 29:1

From Bethel, Jacob hele on, till he come da land wea da ohanas from da east side live.

Start 31:13

Me, I da same God you wen see Bethel side. Dass da place wea you put up da big rock jalike one pos, an wen pour olive oil on top fo show love an respeck fo me. You wen make one strong kine promise ova dea fo do someting spesho fo me. So now, go way from dis land, an go back yoa ohana land.’ ”

Start 31:3

Den Da One In Charge tell Jacob, “Time awready fo you go back yoa ancesta guys land wea yoa ohana guys stay. I goin stay wit you.”

Start 34:31

But da boys tell Jacob, “Wot! You tink az good fo dem make to oua sistah jalike she one hoa, o wat? No way!”

Start 35:15

Da place wea God talk wit Jacob, Jacob give um da name Bethel, dat mean, “God House,” dea language.

Start 35:7

Jacob make one altar dea. He call da altar place El-Bethel, dat mean “Da God Dat Stay Bethel Side,” dea language. Az cuz dass da same place God show up fo Jacob see um, da time Jacob wen run away from his braddah.

Songs 46:1

God, he jalike one place Fo us guys go hide. He make us guys stay strong Fo notting bad happen. Wen get all kine trouble, God stay ready Fo help us guys plenny.

Songs 47:4

God wen pick da good land He give us guys, Cuz us guys his peopo. Us guys stay proud Cuz a da land he give us, Cuz he get love an aloha Fo oua ancesta guy Jacob. (Time out fo da music.)

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Outa Egypt 2:15

An fo shua, wen da Pharaoh guy find out, he tell da police fo go kill Moses. Moses, he run away from da Pharaoh guy, all da way Midian side. Wen Moses get dea, he sit down by one puka wea da watta come outa da groun.

Hosea 12:4

Jacob wen wresso wit one angel guy an win! Den he cry an beg da angel fo do someting good fo him. Laytas, Jacob find God Bethel side. An talk wit him ova dea.

Nahum 1:15

Look ova dea on top da mountains! One guy stay come, Dat bring good kine stuff fo tell. He tell dat da peopo can res an no fight! You Judah peopo, make yoa spesho religious ceremonies now. Do wat you wen make one strong promise fo do. Da no good kine guys no goin attack you guys no moa! Dey goin come all wipe out!

Rules Secon Time 32:36

Da One In Charge goin be da judge Dat goin tell his peopo dey no mo da blame. He goin show love an pity fo his worka guys Wen he see dat dey no mo powa An no mo da Israel guys dea, No matta dey slave guys o not slave guys.

1 Samuel 10:3

“Den you goin go from dea, till you go by da big oak tree Tabor side. Three guys dat go up fo make sacrifice fo God Bethel side, dey goin meet you ova dea. One guy get three young goats wit him, anodda guy get three breads, an anodda guy get one sew up goat skin bag wit wine inside.