Start 34:9 - Hawaii Pidgin Bible

⁹ We goin make one deal fo you guys marry oua daughtahs, an us marry yoa daughtahs, aah?

Start 34:9 ပူးပေါင်းရင်းမြစ်များ

Start 19:14

So Lot talk to da guys dat goin come his son-in-law guys wen dey marry his daughtahs. He tell um, “Get up! Get outa dis place! God, Da One In Charge, goin wipe out da whole town!” But da guys dat like marry his daughtahs, dey tink he stay make one joke. Az why dey no do notting.

Start 24:3

I like you make me one strong promise in front Da One In Charge, da God dat stay in charge a da sky an da whole world. Promise an swea to God dat you goin find one wahine fo my boy. But you gotta promise, no go find one Canaan kine wahine from dese peopo aroun hea wea I live.

Start 27:46

Den Rebecca tell Isaac, “You know da wahines from aroun hea from da Het ohana? I no like dem! If Jacob marry one a dem wahines from da Het peopo jalike Esau wen do, one local kine wahine from aroun hea, mo betta I mahke!”

Start 34:10

You guys can live inside dis land wit us, any place you like live, any place you like go. You guys can make house hea, dis land.”

Start 34:8

Hamor talk wit Jacob an his boys. He tell dem, “My boy Shekem, he get plenny love inside fo yoa daughtah an he like marry her. Try give her to him fo come his wife.

Start 6:2

Had guys jalike gods dat wen check out da daughtahs dat born to da peopo. Dey see dat da wahines was good looking, an dey pick da ones dey like fo marry.

Ezra 9:14

But now, we stay broke yoa rules one mo time. We stay marry da same peopos dat stay do all da pilau kine stuff. Fo shua, now you goin come real plenny huhu wit us an wipe us out, so nobody stay alive fo come back hea fo live!

Rules Secon Time 7:3

No marry dem. No give yoa girls to dea boys fo marry, an no take dea girls fo marry yoa boys.