Start 34:20 - Hawaii Pidgin Bible

²⁰ So Hamor an his boy Shekem, dey go da place by da town gate wea da importan peopo hang out, an dey talk to da odda guys from dea town dat stay dea. Dey tell,

Start 34:20 ပူးပေါင်းရင်းမြစ်များ

Start 22:17

I goin make eryting come good fo you fo real kine. Da peopo dat goin come from you bumbye, I goin make dem come choke plenny peopo, jalike get plenny stars inside da sky an plenny sand on top da beach. An dey goin take ova da towns wea da peopo dat stay agains dem live.

Start 23:10

Efron, he stay dea awready wit da odda Het peopo. So he talk loud to Abraham fo all da odda Het peopo from dat town hear him, all da peopo dat come togedda inside da town gate, da place wea da importan peopo come togedda. He tell,

Start 34:19

Da young guy Shekem, he no wait. Right den an dea he do how dey tell um, cuz he like Jacob daughtah plenny, an he da main guy fo all da Hamor ohana.

Start 34:21

“Dis peopo, dey oua fren. Dey no goin fight wit us guys, you know. Good dey live inside dis land, an go any place dey like, cuz ova hea get plenny land fo dem. Good fo us take dea daughtahs fo come oua wifes, an we give dem oua daughtahs too.

2 Samuel 15:2

Ery day he get up early an stan by da side a one a da roads dat go thru da gate fo go inside Jerusalem town. Weneva somebody come fo squawk bout someting wit da king an aks da king fo tell wat stay right an wat stay wrong, Absalom call out to dem befo dey reach da king, “Wat town you come from?” Dey tell him “Eh boss, I come from dis o dat ohana inside Israel.”

Job 29:7

“Dat time, wen I go out wit da leadas to da town gate, An sit down at my place in da main square,

Songs 127:5

Any guy dat get plenny boys lidat, He can stay good inside, Jalike one army guy Dat get one bag full a arrows! Bumbye, if get peopo Dat stay agains his kids, An dey poin finga dem In front da town leada guys, Da kids no goin come shame, Cuz dey pono!

Smart Guys 31:23

In da place wea all da importan guys hang out, Da older leada guys fo dat whole place, Dey know da husban Cuz he one a dem.

Amos 5:10

“But you Israel peopo, You hate anybody dat tell da judge Dat you guys do wass not right. Anybody dat talk fo real kine in front da judge, You guys make to dem jalike dey junk.

Amos 5:12

Eh! I know how much stuff you guys do agains me. I know all da diffren ways you guys do bad kine stuff! You guys, you stay agains da peopo dat do da right ting. You guys like get money from unda da table, You guys like put presha on peopo Az why da ones dat need help from da judge, no goin get help!

Amos 5:15

Go all out fo hate da bad kine stuff An get love an aloha fo da good kine stuff. Make shua you pick da judges dat goin tell wass right. Den, maybe Da One In Charge, da God Ova All Da Armies, Bumbye give chance to da litto bit peopo Dat stay alive still yet From yoa Israel ohana.”

Zekariah 8:16

Dese, da kine tings you guys suppose to do: Tell da trut to each odda! You judge guys, gotta tell da trut, an judge peopo da bestes way!

Rules Secon Time 17:5

Den go take da guy o da wahine dat do dis bad kine ting outside da gate fo da town, an erybody throw stone at dem fo kill um.

Ruth 4:1

Den Boaz go ova dea by da big gate fo da town, da place wea da town leadas come togedda fo talk. He sit down dea wit da odda leada guys. Right den an dea, da odda guy from his ohana, da one Boaz talk bout, dat get da right fo marry Ruth mo den Boaz get, he walk by dem. Boaz yell to him an call his name. Boaz tell, “Hui! Come ova hea! Sit down! I like talk to you.” So dat guy come an sit down ova dea.